నిర్మాత నట్టికుమార్‌ తనయ నట్టి కరుణ ప్రధాన పాత్రలో తెరకెక్కిన చిత్రం 'డిఎస్‌జె' (దెయ్యంతో సహజీవనం). నట్టికుమార్‌ దర్శకుడు. నట్టీస్‌ ఎంటర్టైన్మెంట్స్‌ పతాకంపై శ్రీమతి నట్టి లక్ష్మి సమర్పణలో నట్టి క్రాంతి నిర్మించిన ఈ చిత్రం విడుదలకు సిద్ధమైంది.
ఈ సందర్భంగా దర్శక, నిర్మాతలు మాట్లాడుతూ, 'తెలుగుతో పాటు హిందీ, తమిళ, కన్నడ, మలయాళం భాషల్లో ఈ చిత్రాన్ని ఈనెల 28న థియేటర్లలో భారీగా విడుదల చేస్తున్నాం. ఒక యదార్థ కథ ఆధారంగా ఈ చిత్రాన్ని రూపొందించాం. తనకు జరిగిన అన్యాయానికి ఒక ఆత్మ ఏ విధంగా ప్రతీకారం తీర్చుకుందనే దాన్ని హర్రర్‌ నేపథ్యంలో చాలా వినూత్నంగా చూపిస్తున్నాం. వైవిధ్యమైన స్క్రీన్‌ప్లేతో అత్యద్భుతమైన గ్రాఫిక్స్‌తో ఈ చిత్రాన్ని మలిచాం. అలానే సుపర్ణ మలాకర్‌ అనే బెంగాల్‌ అమ్మాయి ఇందులో సెకెండ్‌ హీరోయిన్‌గా ఓ పవర్‌ ఫుల్‌కాల్‌ గర్ల్‌ పాత్రలో నటించింది' అని అన్నారు. హీరోయిన్‌ నట్టి కరుణ మాట్లాడుతూ, 'లేడీ ఓరియెంటెడ్‌ చిత్రమిది. తొలి చిత్రంలోనే విభిన్న కోణాల్లో నటించే పాత్ర లభించింది. నటిగా నాకు పేరు తెచ్చే పాత్ర ఇది. అలాగే మా నాన్న డైరెక్షన్‌లో హీరోయిన్‌గా పరిచయం కావడం కూడా మరింత ఆనందంగా వుంది. అంచనాలకు తగ్గట్టు చిత్రం చాలా బాగా వచ్చింది' అని అన్నారు.
