సమంత ప్రధాన పాత్రలో రూపొందుతున్న చిత్రం 'యశోద'. శ్రీదేవి మూవీస్‌ పతాకంపై శివలెంక కష్ణప్రసాద్‌ నిర్మిస్తున్నారు.
హరి - హరీష్‌ దర్శకులుగా పరిచయం అవుతున్నారు. వరలక్ష్మీ శరత్‌ కుమార్‌, ఉన్ని ముకుందన్‌, రావు రమేశ్‌, మురళీ శర్మ తదితరులు కీలక పాత్రల్లో నటిస్తున్నారు. గురువారం నుంచి సెకండ్‌ షెడ్యూల్‌ను చిత్ర బృందం ప్రారంభించింది.
ఈ సందర్భంగా నిర్మాత శివలెంక కష్ణప్రసాద్‌ మాట్లాడుతూ, 'మా సంస్థలో ప్రతిష్టాత్మకంగా తెరకెక్కిస్తున్న చిత్రమిది. ఈ నెల 12 వరకూ సాగే రెండో షెడ్యూల్‌లో ప్రధాన తారాగణంపై కీలక సన్నివేశాలు చిత్రీకరించేలా ప్లాన్‌ చేశాం. సంక్రాంతి తర్వాత మూడో షెడ్యూల్‌ స్టార్ట్‌ చేస్తాం. మార్చి నెలాఖరుకు చిత్రీకరణ పూర్తి అవుతుంది. ఆ తర్వాత తెలుగు, తమిళ, కన్నడ, మలయాళ, హిందీ భాషల్లో ఏక కాలంలో విడుదల చేస్తాం' అని చెప్పారు.
ఈ చిత్రానికి సంగీతం: మణిశర్మ, మాటలు: పులగం చిన్నారాయణ, డా. చల్లా భాగ్యలక్ష్మి, లైన్‌ ప్రొడ్యూసర్‌: విద్య శివలెంక, సహ నిర్మాత: చింతా గోపాలకష్ణారెడ్డి, దర్శకత్వం: హరి - హరీష్‌, నిర్మాత: శివలెంక కష్ణప్రసాద్‌.
