'చిన్న సినిమా పెద్ద సినిమా అనే తేడా లేదు. కంటెంటే కింగ్‌. ఆడియెన్స్‌కి ఏది నచ్చితే అదే హిట్‌ అవుతుంది. ఈ సంక్రాంతికి విడుదలవుతున్న 'హీరో', 'రౌడీ బార్సు' టీమ్స్‌కి ఆల్‌ ది బెస్ట్‌. ఇక 'బంగార్రాజు' కచ్చితంగా పెద్ద హిట్‌ అవుతుందనే నమ్మకం ఉంది' అని హీరో నాగచైతన్య చెప్పారు.
   నాగార్జున, నాగచైతన్య, రమ్యకష్ణ, కతి శెట్టి కాంబినేషన్‌లో తెరకెక్కిన చిత్రం 'బంగార్రాజు'. అన్నపూర్ణ స్టూడియోస్‌ ప్రై.లి., జీ స్టూడియోస్‌ పతాకాలపై నాగార్జున ఈ చిత్రాన్ని నిర్మించారు.
   సంక్రాంతి కానుకగా ఈనెల 14న ఈ సినిమా థియేటర్లలో సందడి చేయనుంది. ఈ సందర్భంగా బుధవారం హీరో నాగచైతన్య మీడియాతో ముచ్చటించారు. ఆ విశేషాలు..
   నాన్న, తాతయ్యగారితో కలిసి 'మనం'లో యాక్ట్‌ చేసినప్పుడు భయంగా ఉండేది. అయితే ఆ అనుభవం వల్ల ఈ సినిమాలో నాన్నతో నటిస్తున్నప్పుడు భయం అనిపించలేదు. అలాగే 'బంగార్రాజు' పాత్ర కోసం తాతగారి వస్తువులను నాన్న ఏవైతే వాడారో, నేనూ వాటిని వాడాను.
   నేను మొదటి సారి సీక్వెల్‌ చేశాను. అందుకే కొంచెం టెన్షన్‌గా ఉంది. ఈ సినిమా షూటింగ్‌ కంటే ముందే నాన్నని, దర్శకుడు కళ్యాణ్‌ను చాలా డౌట్స్‌ అడిగాను. అవన్ని క్లియర్‌ అయ్యాక, బంగార్రాజు పాత్రను ఓన్‌ చేసుకోవడానికి 'సోగ్గాడే చిన్ని నాయనా' సినిమాని చాలా సార్లు చూశాను. చిన్న బంగార్రాజు పాత్ర కోసం చాలా హోం వర్కే చేశా.
   ఈ సినిమాలో నాన్నది, నాది.. రెండు పాత్రలూ సమానంగానే ఉంటాయి. నాన్నది గెస్ట్‌ రోల్‌ కాదు. ఆయన పాత్రే ముఖ్యం. ఈ సినిమా మొత్తం నాన్న, రమ్యకష్ణ గారిని బేస్‌ చేసుకునే నడుస్తుంది.
   సినిమాలో కతి శెట్టి మెయిన్‌ హీరోయిన్‌. ఫెస్టివల్‌ మూడ్‌, సీన్‌ కోసం అలా సరదాగా హీరోయిన్లను పెట్టారు. ప్రతీ పాటలో మంచి కొరియోగ్రఫీ ఉంది. నాలుగు పాటలను ఎంజారు చేస్తూ చేశా. సిధ్‌ శ్రీరామ్‌ 'వెళ్లిపోమాకే..' అనే పాట పాడారు. ఆయనకు అనూప్‌తో స్పెషల్‌ బాండ్‌ ఉంది. అనూప్‌ సరదాగా కంపోజ్‌ చేస్తూ, మాకు బ్లాక్‌ బస్టర్‌ హిట్లు ఇస్తూనే ఉన్నారు. ఇందులోని యాక్షన్‌ ఎపిసోడ్స్‌ అన్నీ రామ్‌ లక్ష్మణ్‌ మాస్టర్స్‌ కంపోజ్‌ చేశారు. లార్జర్‌ దేన్‌ లైఫ్‌ అన్నట్టు ఉంటాయి. ఇందులోని కర్ర ఫైట్‌ కోసం కర్రసాము కూడా నేర్చుకున్నాను. 35 నిమిషాల వీఎఫెక్స్‌ వర్క్‌ అందర్నీ అలరిస్తుంది.
   నాకు, కృతిశెట్టికి మంచి సీన్స్‌ ఉంటాయి. తను చాలా మంచి నటి. ఆమె డెడికేషన్‌ వేరే లెవెల్‌. సర్పంచ్‌ నాగలక్ష్మీ పాత్రలో అద్భుతంగా నటించింది. తన పాత్రకు న్యాయం చేసింది. రమ్యకష్ణ గారితో నాకు కాంబినేషన్‌ సీన్స్‌ ఉన్నాయి.
  ఇది రొమాంటిక్‌ సినిమా కాదు. రొమాన్స్‌లో ఎంటర్‌టైన్‌మెంట్‌ యాడై ఉంటుంది. ఈ సినిమాలో వినోదం మాత్రం అస్సలు తగ్గదు. ఇది పండుగ కోసం రెడీ చేసిన సినిమా అని నాన్నగారు మొదటి నుంచి అదే నమ్మకంతో చెబుతున్నారు. పండక్కి ఇలాంటి సినిమాలే రావాలి. ఇది కచ్చితంగా సంక్రాంతికి ఫుల్‌ మీల్స్‌లా ఉంటుంది.
   'థ్యాంక్యూ' మూవీ ఇంకో షెడ్యూల్‌ ఉంది. సినిమాలో నా క్యారెక్టర్‌ మూడు షేడ్స్‌తో ఉంటుంది. ఈ సినిమా తరువాత అమెజాన్‌ కోసం ఓ వెబ్‌ సిరీస్‌ చేయబోతున్నా. అది కూడా విక్రమ్‌.కె.కుమార్‌తోనే ఉంటుంది. 'నాంది' ఫేమ్‌ విజరు కనకమేడలతో ట్రావెల్‌ అవుతున్నా. ఇంకా స్క్రిప్ట్‌ ఫైనల్‌ అవ్వలేదు. 'లాల్‌ సింగ్‌ చద్దా' షూటింగ్‌ పూర్తయింది. ఆమీర్‌ ఖాన్‌గారి నుంచి జీవితానికి సరిపడా నేర్చుకున్నాను. ప్రతీ ఒక్క యాక్టర్‌ ఒక్కసారైనా ఆయనతో నటించాలి. హర్రర్‌ సినిమాలంటే నాకు భయం. కానీ ఆ జోనర్‌లో ఓ సినిమా చేస్తాను.
   టిక్కెట్‌ రేట్ల గురించి నాన్నతో చాలా డిస్కస్‌ చేశా. ఏప్రిల్‌లో జీవో వచ్చింది. ఆ జీవోలోని టిక్కెట్‌ రేట్లకు తగ్గట్టే ఈ సినిమా బడ్జెట్‌ ఫిక్స్‌ చేశాం. ఒకవేళ టిక్కెట్‌ రేట్లు పెరిగితే, మాకు బోనస్‌ అవుతుంది.