సుధీర్‌ బాబు, మోహనకష్ణ ఇంద్రగంటి కాంబినేషన్‌లో రూపొందుతున్న మూడవ చిత్రం 'ఆ అమ్మాయి గురించి మీకు చెప్పాలి'. కతి శెట్టి హీరోయిన్‌గా నటిస్తున్న ఈ చిత్రాన్ని బెంచ్‌ మార్క్‌ స్టూడియోస్‌ బ్యానర్‌ పై గాజులపల్లె సుధీర్‌ బాబు సమర్పణలో బి.మహేంద్రబాబు, కిరణ్‌ బల్లపల్లి సంయుక్తంగా నిర్మిస్తున్నారు.
సుధీర్‌ బాబు కమర్షియల్‌ ఫిల్మ్ మేకర్‌గా కనిపించబోతున్న ఈ చిత్ర టీజర్‌ను మేకర్స్‌ విడుదల చేశారు. ఈ టీజర్‌లో వరుసగా ఆరేళ్లు బ్లాక్‌ బస్టర్‌ హిట్లు కొట్టిన దర్శకుడిగా సుధీర్‌బాబుని పరిచయం చేశారు. తన గెలుపుపై సుధీర్‌ బాబు ఎంతో గర్వంగా ఫీలవుతుంటే, స్నేహితులు మాత్రం రొటిన్‌ సినిమాలు తీస్తున్నావేంటని అంటుంటారు. డాక్టర్‌ అలేఖ్య పాత్రలో కనిపించిన కతి శెట్టికి సినిమాలంటే అస్సలు నచ్చవు. ఈ ఇద్దరివి భిన్న రుచులు, మనస్తత్వాలు, ఆలోచనలే అయినా ప్రేమ చిగురిస్తుంది. ఆమెతోనే హీరోయిన్‌ సెంట్రిక్‌ మూవీని తీసేందుకు హీరో ప్రయత్నించడం వంటి తదితర అంశాలను చూపించారు. ఆద్యంతం ఆసక్తికరంగా ఉన్న ఈ టీజర్‌తో సినిమాపై అంచనాలను దర్శకులు మోహనకష్ణ ఇంద్రగంటి పెంచేశారు. సుధీర్‌ బాబు, కతి శెట్టి కెమిస్ట్రీ, పీజీ విందా కెమెరా పనితనం, వివేక్‌ సాగర్‌ అందించిన నేపథ్య సంగీతం సినిమాకి హైలెట్‌ అయ్యేలా ఉన్నాయి. మొత్తానికి టీజర్‌తో సినిమాపై పాజిటివ్‌ వైబ్స్‌ని మేకర్స్‌ క్రియేట్‌ చేశారు. ప్రస్తుతం ఈ టీజర్‌ సోషల్‌ మీడియాలో హల్‌చల్‌ చేస్తోంది' అని చిత్ర బృందం తెలిపింది.
అవసరాల శ్రీనివాస్‌, వెన్నెల కిషోర్‌, రాహుల్‌ రామకష్ణ, శ్రీకాంత్‌ అయ్యంగార్‌, కళ్యాణి నటరాజన్‌ తదితరులు ముఖ్య పాత్రల్లో నటిస్తున్న ఈ చిత్రానికి నిర్మాతలు : బి.మహేందర్‌ బాబు, కిరణ్‌ బల్లపల్లి, సమర్పణ : గాజులపల్లి సుధీర్‌ బాబు, సంగీతం : వివేక్‌ సాగర్‌, కెమెరామెన్‌ : పీజీ విందా, ఆర్ట్‌ : సాహి సురేష్‌, ఎడిటర్‌ : మార్తాండ్‌ కె. వెంకటేష్‌, లిరిక్స్‌ : సిరివెన్నెల సీతారామశాస్త్రి, రామజోగయ్య శాస్త్రి, కాసర్ల శ్యామ్‌, రచన, దర్శకత్వం : మోహనకష్ణ ఇంద్రగంటి.
