గౌతమ్‌ కష్ణ, పూజిత పొన్నాడ జంటగా జి.కె.ఫిలిం ఫ్యాక్టరీ, మనోజ్‌ ఆర్ట్‌ క్రియేషన్స్‌ బ్యానర్స్‌ పై గౌతమ్‌ కష్ణను దర్శకుడిగా పరిచయం చేస్తూ తెరకెక్కించిన చిత్రం 'ఆకాశ వీధుల్లో'. మనోజ్‌ డి.జె, డా. మణికంఠ నిర్మాతలు.
తాజాగా ఈ చిత్రం నుండి 'శిలగా ఇలా.. నేనే మిగిలానుగా.. జతగా నువ్వులేని ఏకాకిగా..' అంటూ సాగే పల్లవిగల పాటను మేకర్స్‌ రిలీజ్‌ చేశారు.
చైైతన్య ప్రసాద్‌ సాహిత్యం అందించిన ఈ పాటకు పాపులర్‌ సింగర్‌ కాళ భైరవ గాత్రం ప్రత్యేక ఆకర్షణగా నిలిచింది. జుడా శాండీ సంగీతం శ్రోతలను విశేషంగా ఆకట్టుకుంటోంది. ప్రస్తుతం ఈ పాటకు సోషల్‌ మీడియాలో మంచి రెస్పాన్స్‌ వస్తోంది. అలాగే ఇప్పటికే విడుదలైన ఫస్ట్‌ లుక్‌, టీజర్‌కి కూడా మంచి రెస్పాన్స్‌ రావడంతో సినిమాపై అందరిలోనూ అంచనాలు పెరిగాయి' అని చిత్ర యూనిట్‌ పేర్కొంది. దేవి ప్రసాద్‌, బాల పరాశర్‌, సత్యం రాజేష్‌, శ్రీకాంత్‌ అయ్యంగార్‌, హర్షిత గౌర్‌ తదితరులు నటిస్తున్న ఈ చిత్రానికి సాహిత్యం : చైతన్య ప్రసాద్‌, శ్రేష్ట, రాకేందు మౌళి, సింగర్స్‌ : సిద్‌ శ్రీరామ్‌, చిన్మయి శ్రీ పాద, రాహుల్‌ సిప్లిగంజ్‌, కాల భైరవ, డోప్‌ డాడీ, సంగీతం : జూడా శాండీ, కెమెరా : విశ్వనాధ్‌ రెడ్డి, ఫైట్స్‌ : డ్రాగన్‌ ప్రకాష్‌, సౌండ్‌ మిక్సింగ్‌ : కన్నన్‌ గణపతి, నిర్మాతలు : మనోజ్‌ జెడి , డా. డీజే మణికంఠ, రచన, దర్శకత్వం : గౌతమ్‌ కష్ణ.
