శ్రీరామ్‌ నిమ్మల, ఎల్సా ఘోష్‌, శుభశ్రీ, సోనియా సత్య హీరో, హీరోయిన్లుగా నటిస్తున్న చిత్రం 'రుద్రవీణ'. రఘు కుంచె ప్రత్యేక పాత్రలో నటిస్తున్నారు. సాయి వీల సినిమాస్‌ పతాకంపై రాగుల లక్ష్మణ్‌ నిర్మిస్తున్న ఈ చిత్రానికి జి. మధుసూదన్‌ రెడ్డి దర్శకత్వం వహిస్తున్నారు. తాజాగా యానాంలో ఈ సినిమా పూజా కార్యక్రమాలతో లాంఛనంగా ప్రారంభమైంది. రెగ్యులర్‌ షూటింగ్‌ కూడా అక్కడే జరుగుతోంది.
'సరికొత్త కథాకథనాలతో అన్ని వర్గాల ప్రేక్షకులకు నచ్చేలా ఈ సినిమాను తెరకెక్కిస్తున్నాం' అని దర్శకుడు జి. మధుసూదన్‌ రెడ్డి తెలిపారు. ఛమ్మక్‌ చంద్ర, చలాకీ చంటి, ధన్‌ రాజ్‌, గెటప్‌ శ్రీను ఇతర పాత్రలు పోషిస్తున్న ఈ చిత్రానికి సినిమాటోగ్రఫీ : జీఎల్‌ఎన్‌ బాబు, సంగీతం : మహావీర్‌ యెలేందర్‌, ఆర్ట్‌ ్‌: భూపతి యాదగిరి, ఎడిటర్‌ : జి. నాగేశ్వర్‌ రెడ్డి, స్టంట్స్‌ : రియల్‌ సతీష్‌, ప్రత్యేక పర్యవేక్షణ : కె. త్రివిక్రమ రావు.
