సాయిరామ్‌ శంకర్‌, అశీమా నర్వాల్‌ జంటగా రూపొందుతున్న చిత్రం 'ఒక పథకం ప్రకారం'. ఈ చిత్రాన్ని జాతీయ అవార్డు దర్శకుడు వినోద్‌ విజయన్‌ తెరకెక్కిస్తున్నారు. వినోద్‌ విజయన్‌ ఫిలిమ్స్‌, విహారి సినిమా హౌజ్‌ సంయుక్తంగా నిర్మిస్తున్నాయి.
తాజాగా ఈ చిత్ర పోస్టర్‌ రామ్‌ గోపాల్‌ వర్మ చేతుల మీదుగా విడుదలైంది.
దీనికి అద్భుతమైన స్పందన లభించిన నేపథ్యంలో మేకర్స్‌ మాట్లాడుతూ,'విభిన్నమైన కథాంశంతో ఈ సినిమా చేస్తున్నాం. ఇందులో రామ, రావణ తరహా పాత్రలో సాయిరామ్‌ శంకర్‌ చాలా కొత్తగా కనిపిస్తారు. పూర్తి కాన్సెప్ట్‌ ఓరియెంటెడ్‌గా ఈ సినిమా ఉంటుంది. అలాగే సినిమా కాన్సెప్ట్‌ ఏంటో పోస్టర్‌లోనే చూపించాం. దర్శకుడు వినోద్‌ విజయన్‌, ఎడిటిర్‌, మేకప్‌ ఆర్టిస్ట్‌, ప్రొడక్షన్‌ డిజైనర్‌ సహా మరో ఇద్దరు జాతీయ అవార్డు గ్రహీతలు ఈ సినిమా కోసం పని చేయటం ఆనందంగా ఉంది. సినిమాకు సంబంధించిన మరికొన్ని విశేషాలు త్వరలోనే వెల్లడిస్తాం' అని చెప్పారు.
శతి సోధి, సముద్రఖని, కళాభవన్‌ మణి, రవి పచ్చముత్తు, భాను శ్రీ, పల్లవి గౌడ తదితరులు నటిస్తున్న ఈ చిత్రానికి నిర్మాతలు: వినోద్‌ విజయన్‌, రవి పచ్చముత్తు, గార్లపాటి రమేష్‌, ఎడిటింగ్‌: కార్తిక్‌ జోగేష్‌, సినిమాటోగ్రఫీ: రాజీవ్‌ రవి, వినోదిల్లంపల్లి, సురేష్‌ రాజన్‌, సంగీతం: గోపీ సుందర్‌, దర్శకుడు: వినోద్‌ విజయన్‌.
