కోటి తనయుడు రాజీవ్‌ సాలూర్‌ హీరోగా, వర్ష విశ్వనాథ్‌ హీరోయిన్‌గా నటిస్తున్న డిఫరెంట్‌ కాన్సెప్ట్‌ మూవీ '11:11'. టైగర్‌ హిల్స్‌ ప్రొడక్షన్‌, స్వస్తిక ఫిలిమ్స్‌ పతాకాలపై ప్రొడక్షన్‌ నెం.1గా కిట్టు నల్లూరి దర్శకత్వంలో గాజుల వీరేష్‌ (బళ్లారి) నిర్మిస్తున్నారు. సదన్‌, సీనియర్‌ హీరో రోహిత్‌, లావణ్య, రాజా రవీంద్ర, రాజా శ్రీ కీలకపాత్రల్లో నటించిన ఈ చిత్రం విడుదలకు సిద్ధమైంది.
ఈ నేపథ్యంలో తాజాగా యువ కథానాయకుడు రానా ఈ చిత్ర మోషన్‌ కాన్సెప్ట్‌ పోస్టర్‌ వీడియోని రిలీజ్‌ చేశారు. రిపబ్లిక్‌ డే కానుకగా విడుదల చేసిన ఈ వీడియో సినిమాపై అందరిలోనూ మరింత ఆసక్తి రేకెత్తిస్తోంది.
ఒక నిమిషం రెండు సెకన్ల నిడివితో కట్‌ చేసిన ఈ మోషన్‌ కాన్సెప్ట్‌ వీడియోలో కేవలం మూడు క్యారెక్టర్స్‌ని చూపిస్తూ, సినిమాపై క్యూరియాసిటీ పెంచారు. హీరో, హీరోయిన్‌ల మధ్య లవ్‌ ట్రాక్‌, వీళ్ళ మధ్యలోకి అనూహ్యంగా ఎంటరైన ఓ వ్యక్తి, అతన్ని హతమార్చడం వంటి థ్రిల్‌ చేసే అంశాలకు, మణిశర్మ అందించిన బ్యాక్‌గ్రౌండ్‌ స్కోర్‌, ఈశ్వర్‌ సినిమాటోగ్రఫీ హైలైట్‌ అయ్యాయి. ఈ చిత్ర టైటిల్‌ ఫస్ట్‌లుక్‌ను మెగాస్టార్‌ రిలీజ్‌ చేశారు. ఇప్పుడు మోషన్‌ పోస్టర్‌ని రిలీజ్‌ చేసి రానా సపోర్ట్‌ చేశారు. అతిత్వరలోనే ఈ సినిమా రిలీజ్‌ డేట్‌, ఇతర అప్‌డేట్స్‌ని మేకర్స్‌ ప్రకటించనున్నారు.