రవితేజ, త్రినాథరావు నక్కిన కాంబినేషన్‌లో అవుట్‌ అండ్‌ అవుట్‌ ఎంటర్టైనర్‌గా రూపొందుతున్న చిత్రానికి 'ధమాకా' అనే టైటిల్‌ని ఖరారు చేశారు. డబుల్‌ ఇంపాక్ట్‌ అనేది ట్యాగ్‌ లైన్‌. పీపుల్స్‌ మీడియా ఫ్యాక్టరీ, అభిషేక్‌ అగర్వాల్‌ ఆర్ట్స్‌ సంయుక్తంగా నిర్మిస్తున్న ఈ చిత్రానికి నిర్మాతగా టీజీ విశ్వ ప్రసాద్‌, సహ నిర్మాతగా వివేక్‌ కూచిబొట్ల వ్యవహరిస్తున్నారు.
గురువారం కథానాయకుడు రవితేజ పుట్టినరోజు సందర్భంగా ఈ చిత్రం నుంచి ఓ స్పెషల్‌ పోస్టర్‌ను రిలీజ్‌ చేశారు. ఈ పోస్టర్‌లో రవితేజ ట్రెండీ వేర్‌లో ఫుల్‌ఎనర్జీతో స్టెప్పులేస్తూ కనిపిస్తున్నారు. కలర్‌ఫుల్‌గా ఉన్న ఈ పోస్టర్‌ రవితేజ అభిమానులతోపాటు ప్రేక్షకుల్ని సైతం అలరిస్తోంది.
ఈ చిత్రంలోని ముఖ్య పాత్రల్లో ప్రముఖ నటీనటులు కనిపించబోతున్నారు. ప్రసన్న కుమార్‌ బెజవాడ ఈ చిత్రానికి కథ, మాటలు అందిస్తున్నారు. భీమ్స్‌ సిసిరిలియో సంగీతాన్ని సమకూరుస్తుండగా, కార్తీక్‌ ఘట్టమనేని సినిమాటోగ్రఫీ అందిస్తున్నారు. మిగతా నటీనటులు, సాంకేతిక బందాన్ని చిత్రయూనిట్‌ త్వరలోనే ప్రకటించనుంది.
