Authorization
Mon Jan 19, 2015 06:51 pm
రీగల్ ఫిలిం ప్రొడక్షన్స్ పతాకంపై యువ దర్శకుడు పన్నా రాయల్ దర్శకత్వంలో హేసన్ పాషా నిర్మిస్తున్న మిస్టీరియస్ సస్పెన్స్ థ్రిల్లర్ 'ఇంటి నెం.13'. ఈ చిత్రానికి సంబంధించి ఇప్పటివరకు విడుదలైన ఫస్ట్లుక్, టీజర్కు అద్భుతమైన స్పందన లభిస్తోంది. అలాగే ఇటీవల ఈ సినిమా కోసం శ్రేయా గోషల్ పాడిన 'పో పోవే...' అనే పాటను చిత్ర యూనిట్ విడుదల చేసింది. ఈ పాట అందర్నీ ఆకట్టుకోవడమే కాకుండా సోషల్ మీడియాలో హల్చల్ చేస్తోంది. తాజాగా ఈ చిత్రంలోని మరో పాటను మేకర్స్ రిలీజ్ చేశారు. డిఫరెంట్ సాంగ్స్కి పెట్టింది పేరైన మాల్గాడి శుభ ఈ పాటను పాడటం విశేషం. 'నర నరము..' అంటూ రాంబాబు గోశాల రాసిన ఈ పాటకు వినోద్ యాజమాన్య సంగీతాన్ని అందించారు.
'ఎంతో హుషారుగా సాగే ఈ పాట యూత్తోపాటు అన్ని వర్గాల ప్రేక్షకుల్ని విపరీతంగా అలరిస్తోంది. మేం ఊహించినదాని కంటే ఈ పాటకు అత్యద్భుతమైన స్పందన రావడం చాలా సంతోషంగా ఉంది. ఈ సందర్భంగా మాల్గాడిశుభగారికి ధన్యవాదాలు తెలియజేస్తున్నాం. త్వరలోనే విడుదల తేదీని ప్రకటిస్తాం' అని నిర్మాత హేసన్ పాషా చెప్పారు.