శ్రీ విష్ణు హీరోగా నటిస్తున్న తాజా చిత్రం 'భళా తందనాన'. కమర్షియల్‌ ఎంటర్‌ టైనర్‌గా తెరకెక్కుతున్న ఈ చిత్రానికి 'బాణం' ఫేమ్‌ దంతులూరి చైతన్య దర్శకత్వం వహిస్తున్నారు. కేథరిన్‌ థ్రెసా హీరోయిన్‌గా నటించిన ఈ చిత్రం విడుదలకు రంగం సిద్ధం చేసుకుంది. శుక్రవారం ఈ సినిమా టీజర్‌ను యువ కథానాయకుడు నాని రిలీజ్‌ చేసి, చిత్ర బృందాన్ని అభినందించారు.
'రాక్షసున్ని చంపడానికి దేవుడు కూడా అవతారాలెత్తాలి.. నేను మామూలు మనిషిని' అంటూ శ్రీవిష్ణు చెప్పిన డైలాగ్‌తో టీజర్‌ మొదలైంది. ఇక శ్రీవిష్ణు సాఫ్ట్‌ రోల్‌లో కనిపించగా, కేథరిన్‌ థ్రెస్సా మాత్రం అహంకారిగా కనిపించారు. నీ దారిలో నువ్వు.. నా దారిలో నేను.. ఇద్దరి లక్ష్యం ఒకటే అనే డైలాగ్‌తో హీరో, హీరోయిన్ల ప్రయాణం, లక్ష్యం ఏంటో చెప్పేశారు. యాక్షన్‌ సీక్వెన్స్‌, శ్రీ విష్ణు నటన ప్రత్యేకంగా నిలిచింది. ఇక రాజకీయ నాయకులను ప్రశ్నిస్తూ ముగిసిన టీజర్‌ అందరినీ మెప్పించేలా ఉంది. టీజర్‌లోని డైలాగ్స్‌ సినిమా కథ ఎలా ఉండోబోతుందని చెప్పేశాయి. డైలాగ్సే సినిమాకు మేజర్‌ హైలెట్‌. థ్రిల్లింగ్‌ ఎలిమెంట్స్‌తో సినిమాను పక్కా కమర్షియల్‌గా తెరకెక్కించారు దర్శకులు చైతన్య దంతులూరి. శ్రీనివాస్‌ రెడ్డి కామెడీ, కేజీయఫ్‌ ఫేమ్‌ రామచంద్ర రాజు విలనిజం బాగా కుదిరాయి. ఇప్పటికే ఫస్ట్‌ లుక్‌ పోస్టర్‌, మ్యూజికల్‌ ప్రమోషన్స్‌తో సినిమా మీద పాజిటివ్‌ వైబ్స్‌ ఏర్పడ్డాయి. విలేజ్‌ బ్యాక్‌ డ్రాప్‌లో తెరకెక్కిన పాటలు అందరినీ ఆకట్టుకున్నాయి. త్వరలోనే విడుదల తేదీని మేకర్స్‌ ప్రకటించనున్నారు' అని చిత్ర యూనిట్‌ పేర్కొంది.
వారాహి చలనచిత్రం బ్యానర్‌పై సాయి కొర్రపాటి సమర్పణలో రజనీ కొర్రపాటి ఈ సినిమాను నిర్మిస్తున్నారు. ఈ చిత్రానికి సంగీతం: మణిశర్మ, ఎడిటర్‌: మార్తాండ్‌ కె. వెంకటేష్‌, సినిమాటోగ్రాఫర్‌: సురేష్‌ రగుతు, యాక్షన్‌ కొరియోగ్రాఫర్‌: పీటర్‌ హెయిన్‌, ఆర్ట్‌ డైరెక్టర్‌: గాంధి నడికుడికర్‌, రచయిత : శ్రీకాంత్‌ విస్సా.
