తెలుగు ప్రేక్షకులకు కన్నడ స్టార్‌ కిచ్చా సుదీప్‌ గురించి ప్రత్యేకంగా పరిచయం అక్కర్లేదు. ఎన్నో సినిమాల్లో విభిన్న పాత్రల్లో కనిపించి, తెలుగు ప్రేక్షకులను మెప్పించారు. ఆయన తాజాగా నటించిన మాస్‌ యాక్షన్‌ ఎంటర్టైనర్ 'కే3 కోటికొక్కడు'. శివ కార్తీక్‌ దర్శకత్వంలో ఈ సినిమా రూపొందింది.
ఈ చిత్రాన్ని తెలుగులో ఫిబ్రవరి 4న గుడ్‌ సినిమా గ్రూప్‌ సంస్థ గ్రాండ్‌గా విడుదల చేసేందుకు సన్నాహాలు చేస్తోంది. 'ట్రేడ్‌ లెక్కల ప్రకారం కన్నడనాట ఈ సినిమా రిలీజ్‌ చేసిన నాలుగు రోజుల్లోనే దాదాపు 40 కోట్లు వసూలు చేసి, సుదీప్‌ కెరీర్‌లోనే అత్యధిక వసూళ్లు సాధించిన చిత్రంగా రికార్డు సష్టించింది. ఇప్పటికే విడుదల చేసిన ఈ చిత్ర ట్రైలర్‌లో సుదీప్‌ రెండు విభిన్న పాత్రల్లో మెప్పించారు. మడోన్నా సెబాస్టియన్‌, సుదీప్‌ జోడి చూడముచ్చటగా ఉందనే ప్రశంసలూ లభించాయి. అలాగే ట్రైలర్‌లో శ్రద్దా దాస్‌, రవి శంకర్‌, నవాబ్‌ షా తదితరులు కనిపించారు. యాక్షన్‌ ప్యాక్డ్‌గా రిలీజైన ఈ చిత్ర తెలుగు ట్రైలర్‌కి ట్రెమండస్‌ రెస్పాన్స్‌ వచ్చి, ఇక్కడ కూడా సినిమాపై భారీ అంచనాలను పెంచింది.ఈ చిత్రాన్ని ఫిబ్రవరి 4న భారీగా థియేటర్లలో విడుదల చేసేందుకు మేకర్స్‌ రంగం సిద్ధం చేస్తున్నారు' అని చిత్ర యూనిట్‌ తెలిపింది.
మడోన్నా సెబాస్టియన్‌, శ్రద్దా దాస్‌, ఆఫ్టాబ్‌ శివ దాసాని, రవి శంకర్‌, నవాబ్‌ షా తదితరులు నటించిన ఈ చిత్రానికి కథ: కెచ్చా సుదీప్‌, నిర్మాత : శ్రేయాస్‌ శ్రీనివాస్‌, దేవేంద్ర డీకే, మాటలు : కె. రాజేష్‌ వర్మ, డీఓపీ : శేఖర్‌ చంద్ర, మ్యూజిక్ : అర్జున్ జెన్యా, ఎడిటర్‌ : ప్రవీణ్‌ ఆంటోని, ఫైట్స్‌: కణల్‌ కన్నన్‌, విజరు, అనల్‌ అరస్‌, పాటలు: కె.ఎస్‌.ఎం.ఫణీంద్ర, కొరియోగ్రఫీ: రాజు సుందరం, ఇమ్రాన్‌ సద్దారియా, జానీ.
