రవితేజ, దర్శకుడు రమేష్‌ వర్మ కాంబినేషన్‌లో రూపొందుతున్న చిత్రం 'ఖిలాడీ'. సత్య నారాయణ కోనేరు నిర్మించిన ఈ చిత్రం ఈనెల 11న తెలుగు, హిందీ భాషల్లో గ్రాండ్‌గా విడుదల కానుంది. శనివారం ఈ చిత్రంలోని 'క్యాచ్‌ మీ..' అంటూ సాగే ఐదవ పాటను చిత్ర బృందం రిలీజ్‌ చేసింది.
ఈ సందర్భంగా మేకర్స్‌ మాట్లాడుతూ, 'దేవీ శ్రీ ప్రసాద్‌ అందించిన పాటలకు అద్భుతమైన స్పందన లభిస్తోంది. ఇప్పటికే విడుదల చేసిన నాలుగు పాటలు నెట్టింట్లో వైరల్‌ అయ్యాయి. ఇప్పుడు ఐదో పాటని విడుదల చేశాం. ఈ పాటను రవితేజ - డింపుల్‌ హయాతి పై చిత్రీకరించాం. ఈ పాటలో డింపుల్‌ లుక్స్‌, కిల్లర్‌ పర్సనాలిటి, కట్టిపడేసే ఎక్స్‌ప్రెషన్స్‌ ప్రేక్షకుల్ని మెస్మరైజ్‌ చేస్తున్నాయి. సంగీతం దర్శకుడు దేేవి శ్రీ ప్రసాద్‌ ఈ సినిమా కోసం ఈ మాస్‌ సాంగ్‌ను కంపోజ్‌ చేశారు. శ్రీ మణి సాహిత్యం, నేహా బాషిన్‌, జస్ప్రీత్‌ జాస్జ్‌ గానం ప్రత్యేక ఆకర్షణగా నిలిచాయి. ఇప్పటి వరకు రీలీజ్‌ చేసిన అన్ని పాటలకు ట్రెమండస్‌ రెస్పాన్స్‌ వచ్చింది. బాలీవుడ్‌ ప్రొడక్షన్‌ కంపెనీ పెన్‌ స్టూడియోస్‌, ఏ స్టూడియోస్‌ సంయుక్తంగా నిర్మిస్తున్న ఈ సినిమాలో రవితేజ భిన్న పాత్రలను పోషించారు. ప్లే స్మార్ట్‌ అంటూ ట్యాగ్‌ లైన్‌తో రాబోతున్న ఈ చిత్రం హవీష్‌ ప్రొడక్షన్‌పై తెరకెక్కుతోంది. మీనాక్షి చౌదరి మరో హీరోయిన్‌గా రవితేజ సరసన నటించారు. సుజిత్‌ వాసుదేవ్‌, జీకే విష్ణులు కెమెరామెన్‌లుగా పని చేయగా, శ్రీకాంత్‌ విస్సా, దేవీ శ్రీ ప్రసాద్‌ సోదరుడు సాగర్‌ డైలాగ్స్‌ అందించారు. శ్రీమణి సాహిత్యాన్ని అందిస్తుండగా, అమర్‌ రెడ్డి ఎడిటర్‌గా వ్యవహరించారు' అని చెప్పారు.
