రుద్ర పిక్చర్స్‌, పిసిర్‌ గ్రూప్‌ సమర్పణలో 'శుక్ర' చిత్ర దర్శకుడు సుకు పూర్వాజ్‌ చేస్తున్న కొత్త సినిమా 'మాటరాని మౌనమిది'.
ఈ చిత్రంతో అన్నపూర్ణ ఫిల్మ్ స్కూల్‌లో శిక్షణ పొందిన మహేష్‌ దత్త, తెలుగు అమ్మాయి సోని శ్రీవాస్తవ హీరో, హీరోయిన్లుగా వెండితెరకు పరిచయం కాబోతున్నారు. లవ్‌ స్టొరీని థ్రిల్లర్‌ బ్యాక్‌ డ్రాప్‌లో మిక్స్‌ చేసి మల్టి జోనర్‌గా రూపొందుతున్న ఈ సినిమా ఫస్ట్‌ లుక్‌ పోస్టర్‌ను తాజాగా విడుదల చేశారు. 'అబ్బాయి, అమ్మాయిల ఫేస్‌ కనపడకుండా, లవ్‌ ఎలిమెంట్‌ ఉంటూనే, పెయింటింగ్‌లో మిక్స్‌ చేసిన లైటింగ్‌ కొంత డౌట్‌ క్రియేట్‌ చేసేలాగా ఇంట్రెస్టింగ్‌గా ఉన్న ఫస్ట్‌లుక్‌ పోస్టర్‌ సినిమాపై మరింత ఆసక్తి పెంచుతోంది. దర్శకుడు సుకు పూర్వాజ్‌ తొలి సినిమా కమర్షియల్‌గా మంచి సక్సెస్‌ సాధించింది. అంతేకాకుండా పెట్టుబడికి పదింతలు కలెక్ట్‌ చేసింది. అమెజాన్‌ ప్రైమ్‌లో 18 లక్షలకి పైగా వీక్షకులు కూడా చూశారు. ఆ సక్సెస్‌ ఇచ్చిన ప్రోత్సాహంతో ఆయన ఈ సినిమాని మరింత అద్భుతంగా, ప్రేక్షకులు మెచ్చే రీతిలో తెరకెక్కిస్తున్నారు' అని చిత్ర యూనిట్‌ తెలిపింది.
అర్చన అనంత్‌, సుమన్‌ శెట్టి, సంజీవ్‌, శ్రీహరి తదితరులు నటిస్తున్న ఈచిత్రానికి సినిమాటోగ్రఫీ: చరణ్‌, మ్యూజిక్: అషీర్‌ లూక్‌.
