విజయ్ శంకర్‌, బిగ్‌బాస్‌ ఫేమ్‌ అషు రెడ్డి జంటగా నటిస్తున్న డిఫరెంట్‌ సస్పెన్స్‌ థ్రిల్లర్‌ 'ఫోకస్‌'. ఈ చిత్రంతో సూర్యతేజ దర్శకుడిగా పరిచయం అవుతున్నారు. స్కైరా క్రియేషన్స్‌ సమర్పణలో రిలాక్స్‌ మూవీ మేకర్స్‌ ఈ చిత్రాన్ని నిర్మిస్తోంది. వాలెంటైన్స్‌ డే కానుకగా ఈ చిత్ర స్పెషల్‌ పోస్టర్‌ను మేకర్స్‌ రిలీజ్‌ చేసి మర్డర్‌ మిస్టరీ బ్యాక్‌డ్రాప్‌లో ఆసక్తికరమైన మలుపులతో, ప్రేక్షకులను ఆద్యంతం ఆశ్చర్యపరిచే సస్పెన్స్‌ థ్రిల్లర్‌గా ఈ మూవీ తెరకెక్కుతోందని తెలిపారు. విజయ్ శంకర్‌, అషు రెడ్డి ఉన్న ఈ రొమాంటిక్‌ పోస్టర్‌ వాలెంటైన్స్‌ డేకి పర్‌ఫెక్ట్‌ ఛాయిస్‌ అనేలా ఉంది. త్వరలోనే టీజర్‌ను విడుదల చేయబోతున్నారు.
విజయ్ శంకర్‌ పోలీస్‌ ఆఫీసర్‌గా, సుహాసిని మణిరత్నం జడ్జి పాత్రలో కనిపించనున్నారు. భానుచందర్‌, జీవా, షియాజీ షిండే, భరత్‌ రెడ్డి, సూర్య భగవాన్‌ ఇతర ముఖ్య పాత్రల్లో నటించారు.
