యువ కథానాయకుడు కిరణ్‌ అబ్బవరం నటించిన నూతన చిత్రం 'సెబాస్టియన్‌ పిసి 524'. జ్యోవిత సినిమాస్‌ పతాకంపై ఎల్కెట్‌ ఎంటర్‌ట్కెన్‌మెంట్‌ సమర్పణలో బాలాజీ సయ్యపురెడ్డి ఈ చిత్రానికి దర్శకత్వం వహించారు.
కోమలీ ప్రసాద్‌, నువేక్ష (నమ్రతా దరేకర్‌) హీరోయిన్లుగా నటించిన ఈ చిత్రాన్ని సిద్ధారెడ్డి బి, జయచంద్ర రెడ్డి, రాజు, ప్రమోద్‌ నిర్మించారు. ప్రపంచ వ్యాప్తంగా మార్చి 4న ఈ సినిమాను ప్రైమ్‌ షో ఎంటర్టైన్మెంట్‌ సంస్థ విడుదల చేయనుంది.
ఈ సందర్భంగా నిర్మాతలు మాట్లాడుతూ, ''రాజావారు రాణిగారు', 'ఎస్‌.ఆర్‌. కళ్యాణమండపం' చిత్రాల విజయంతో దూసుకుపోతున్న మా హీరో కిరణ్‌ అబ్బవరపుకు ఈ సినిమా ఖచ్చితంగా హ్యాట్రిక్‌ హిట్‌ ఇస్తుంది. జిబ్రాన్‌ సంగీతం దర్శకత్వంలో పాటలన్నీ అద్భుతంగా వచ్చాయి. ముఖ్యంగా 'హెలి' అనే పాటకు మేం ఊహించలేనటువంటి మంచి రెస్పాన్స్‌ ప్రేక్షకుల నుండి లభించింది. ఇటీవలే విడుదలైన గ్లిమ్స్‌ కూడా సూపర్‌ ట్రెండింగ్‌లో ఉంది. ఆదిత్యా మ్యూజిక్ ద్వారా విడుదలైన ఆడియోకు ట్రెమండస్‌ రెస్పాన్స్‌ వచ్చింది. రేచీకటి నేపథ్యంలో ఈ సినిమా తెరకెక్కింది. రేచీకటి ఉన్న హీరోకి పోలీస్‌ కానిస్టేబుల్‌ ఉద్యోగం వస్తుంది. ఈ నేపథ్యంలో అతడు నైట్‌ టైమ్‌ డ్యూటీ ఎలా చేశాడు?, రేచీకటి వల్ల ఎటువంటి ఇబ్బందులు ఎదురయ్యాయి? అనేది ఈ సినిమా కథాంశం. సెబాస్టియన్‌గా కిరణ్‌ అబ్బవరం నటన ప్రేక్షకుల్ని మెస్మరైజ్‌ చేస్తుంది. ఆయన కెరీర్‌లో మరో మంచి సినిమా అవుతుంది. మార్చి 4వ తేదీన ప్రైమ్‌ షో ఎంటర్టైన్మెంట్‌ సంస్థ ప్రపంచ వ్యాప్తంగా గ్రాండ్‌గా మా చిత్రాన్ని రిలీజ్‌ చేస్తోంది' అని తెలిపారు.
శ్రీకాంత్‌ అయ్యంగార్‌, సూర్య, రోహిణీ రఘువరన్‌, ఆదర్ష్‌ బాలకష్ణ, జార్జ్‌, సూర్య, మహేష్‌ విట్టా, రవితేజ, రాజ్‌ విక్రమ్‌, లత, ఇషాన్‌, రాజేష్‌ తదితరులు ప్రధాన పాత్రలు పోషించిన ఈ చిత్రానికి ఫైట్స్‌: అంజి మాస్టర్‌, కూర్పు: విప్లవ్‌ న్యసదాం, కళ: కిరణ్‌ మామిడి, ఛాయాగ్రహణం: రాజ్‌ కె. నల్లి, ఎగ్జిక్యూటివ్‌ నిర్మాత: కె.ఎల్‌. మదన్‌.
