యువ కథానాయకుడు నాని నటించిన తాజా రోమ్‌-కామ్‌ ఎంటర్‌టైనర్‌ 'అంటే సుందరానికి..'. మైత్రీ మూవీ బ్యానర్‌పై రూపొందుతున్న ఈ చిత్రానికి వివేక్‌ ఆత్రేయ దర్శకత్వం వహించారు. పోస్ట్‌ ప్రొడక్షన్‌ పనులు ఇప్పటికే పూర్తి చేసుకున్న ఈ చిత్రం వేసవిలో థియేటర్లలో సందడి చేసేందుకు సిద్ధమైంది.
నానికి ముందస్తు పుట్టినరోజు శుభాకాంక్షలు తెలియజేస్తూ, టీమ్‌ మంగళవారం 'అంటే సుందరానికి..' బర్త్‌డే హౌమాన్ని ఆవిష్కరించింది. 'అంటే... మా వాడి జాతకం ప్రకారం బర్త్‌డే హౌమం జరిగిన 108 రోజుల వరకు బయటికి రాకూడదన్నారు. అందుకే జూన్‌ 10న మిమ్మల్ని నవ్వించడానికి థియేటర్స్‌కి వస్తున్నాడు.. హ్యాపీ బర్త్‌డే సుందర్‌, బ్లాక్‌ బస్టర్‌ ప్రాప్తిరస్తు' అని వీడియో ద్వారా మేకర్స్‌ ప్రకటించారు.
'ఈ వీడియో సినిమాలోని నాని పాత్ర గురించి స్నీక్‌ పీక్‌ ఇస్తుంది. తన కుటుంబం కారణంగా తను చాలా సమస్యలను ఎదుర్కొనే అమాయక బ్రాహ్మణుడు. అతని జీవితంలో అనేక గండాలు (చెడు సంఘటనలు) ఉన్నందున, వాళ్ళు అతన్ని తరచుగా హౌమం చేయమని బలవంతం చేస్తుంటారు. చిన్నపిల్లాడిలా అమ్మా, అమ్మమ్మతో వాదించేవాడు. అందుకే 'అంటే సుందరానికి' బర్త్‌డే హౌమం భిన్నమైంది. నవ్వించే ఎంటర్‌టైనర్‌లను హ్యాండిల్‌ చేయడంలో వివేక్‌ ఆత్రేయ తన నైపుణ్యాన్ని నిరూపించుకుంటే, నాని తన నటనతో నవ్వులు పూయించారు. తెలుగులో నాయిక నజ్రియా నజీమ్‌ ఫహద్‌కి ఈ సినిమా మంచి ఆరంభాన్నిస్తుంది. జూన్‌ 10వ తేదీ నుండి థియేటర్లలో నవ్వుల హంగామా క్రియేట్‌ చేసేందుకు మేకర్స్‌ రంగం సిద్ధం చేశారు' అని చిత్రయూనిట్‌ పేర్కొంది.
నదియా, హర్షవర్ధన్‌, రాహుల్‌ రామకష్ణ, సుహాస్‌ తదితరులు నటిస్తున్న ఈ చిత్రానికి నిర్మాతలు: నవీన్‌ యెర్నేని, రవిశంకర్‌ వై, మ్యూజిక్ కంపోజర్‌: వివేక్‌ సాగర్‌, సినిమాటోగ్రాఫర్‌: నికేత్‌ బొమ్మి, ఎడిటర్‌: రవితేజ గిరిజాల, ప్రొడక్షన్‌ డిజైన్‌: లతా నాయుడు, రచయిత - దర్శకుడు: వివేక్‌ ఆత్రేయ.
