రవితేజ, త్రినాథరావు నక్కిన ఫస్ట్‌ కాంబినేషన్‌లో అవుట్‌ అండ్‌ అవుట్‌ ఎంటర్టైనర్‌గా రూపొందుతున్న చిత్రం 'ధమాకా'. డబుల్‌ ఇంపాక్ట్‌ అనేది ట్యాగ్‌ లైన్‌. పీపుల్స్‌ మీడియా ఫ్యాక్టరీ, అభిషేక్‌ అగర్వాల్‌ ఆర్ట్స్‌ సంయుక్తంగా నిర్మిస్తున్న ఈ భారీ చిత్రానికి నిర్మాతగా టీజీ విశ్వ ప్రసాద్‌, సహ నిర్మాతగా వివేక్‌ కూచిబొట్ల వ్యవహరిస్తున్నారు.
ఈ చిత్రానికి సంబంధించి కొత్త యాక్షన్‌ షెడ్యూల్‌ శుక్రవారం హైదరాబాద్‌లో ప్రారంభమైంది. భారీ సెట్లో రవితేజ, ఫైటర్స్‌పై రామ్‌-లక్ష్మణ్‌ మాస్టర్ల పర్యవేక్షణలో ఉత్కంఠభరితమైన యాక్షన్‌ సీక్వెన్స్‌ను చిత్రీకరిస్తున్నారు. ఈ యాక్షన్‌ ఎపిసోడ్‌ గురించి నిర్మాత టి.జి. విశ్వ ప్రసాద్‌ మాట్లాడుతూ, 'హై-ఆక్టేన్‌ యాక్షన్‌ ఎపిసోడ్‌ ఇది. మా సినిమాకి చాలా కీలకమైన ఎపిసోడ్‌. అందుకే బడ్జెట్‌లో ఎక్కడా రాజీ పడకుండా భారీ సెట్‌ వేశాం. మాస్‌ ఆడియన్స్‌కి, యాక్షన్‌ సినిమాల అభిమానులకు ఇది తప్పకుండా ఫీస్ట్‌ అవుతుంది. 'పెళ్లి సందడి' సినిమాతో మంచి గుర్తింపు తెచ్చుకున్న నాయిక శ్రీలీల ఈ సినిమాలో రవితేజ సరసన హీరోయిన్‌గా నటిస్తోంది. ముఖ్య పాత్రల్లో ప్రముఖ నటీనటులు కనిపించబోతన్నారు. ఇక సాంకేతికంగానూ గొప్ప టెక్నీషియన్లు ఈ ప్రాజెక్ట్‌కి వర్క్‌ చేస్తున్నారు. ప్రసన్న కుమార్‌ బెజవాడ ఈ చిత్రానికి కథ, మాటలు అందిస్తుండగా, భీమ్స్‌ సిసిరిలియో సంగీతాన్ని, కార్తీక్‌ ఘట్టమనేని సినిమాటోగ్రఫీ అందిస్తున్నారు. ప్రొడక్షన్‌ డిజైనర్‌గా శ్రీనాగేంద్ర తంగల బాధ్యతలు నిర్వర్తిస్తున్నారు. వీరందరి పనితనం మా సినిమానికి ప్రత్యేక ఆకర్షణలుగా నిలుస్తాయి' అని తెలిపారు.
