'డాక్టర్‌ సలీమ్‌', 'బిచ్చగాడు', 'భేతాళుడు' వంటి విభిన్న చిత్రాలతో ఆకట్టుకున్న తమిళ కథానాయకుడు విజరు ఆంటోని లేటెస్ట్‌గా 'హత్య' అనే చిత్రంతో తెలుగు ప్రేక్షకుల ముందుకు రాబోతున్నారు. ఇన్వెస్టిగేటివ్‌ థ్రిల్లర్‌గా రూపొందుతున్న ఈ చిత్రంలో ఆయన డిటెక్టివ్‌ పాత్రలో నటిస్తుండగా, రితికా సింగ్‌ సంధ్య అనే పాత్రలో పోలీస్‌ ఆఫీసర్‌గా కనిపించనుంది. లోటస్‌ పిక్చర్స్‌తో కలిసి ఇన్ఫినిటీ ఫిలిం వెంచర్స్‌ సంస్థ ఈ చిత్రాన్ని నిర్మిస్తోంది. బాలాజీ కుమార్‌ దర్శకత్వం వహిస్తున్న ఈ చిత్రానికి కమల్‌ బోరా, జి.ధనుంజయన్‌, ప్రదీప్‌ బి, పంకజ్‌ బోరా, విక్రమ్‌ కుమార్‌, తాన్‌ శ్రీ దొరైసింగమ్‌ పిల్లై, సిద్ధార్థ్‌ శంకర్‌, ఆర్వీఎస్‌ అశోక్‌ కుమార్‌ నిర్మాతలు.' 1923లో ప్రపంచాన్ని దిగ్భ్రాంతికి గురిచేసిన డోరతి కింగ్‌ మర్డర్‌ ఘటన నేపథ్యంగా ఈ సినిమా సాగనుంది. అందమైన మోడల్‌ లీల తన ఇంట్లో హత్యకు గురవుతుంది. ఆమెను హత్య చేసిందెవరు అనేది మిస్టరీగా మారుతుంది. డిటెక్టీవ్‌, పోలీస్‌ యాంగిల్‌ కేసు ఛేదనలో ఈ సినిమా ఆసక్తికరంగా ఉంటుంది. ఇతర కీలక పాత్రల్లో జాన్‌ విజరు, రాధికా శరత్‌కుమార్‌, మురళీ శర్మ, సిద్ధార్థ శంకర్‌, అర్జున్ చిదంబరం, కిషోర్‌ కుమార్‌, సంకిత్‌ బోరా తదితరులు నటించారు. ఇన్ఫినిటీ ఫిల్మ్ వెంచర్స్‌ గతంలో విజరు ఆంటోనీతో 'విజరు రాఘవన్‌' అనే చిత్రాన్ని నిర్మించింది. ప్రస్తుతం ఇదే కాంబినేషన్‌లో ఈ సినిమా నిర్మితమవుతుండగా, త్వరలోనే మరో రెండు ప్రాజెక్ట్‌లు కలిసి చేస్తున్నట్టు చిత్ర బృందం తెలిపింది. ఈ చిత్రానికి సినిమాటోగ్రఫీ : శివకుమార్‌ విజయన్‌, ఎడిటింగ్‌: ఆర్‌ కె సెల్వ, సంగీతం : గిరీష్‌ గోపాలకృష్ణన్‌.
