ఆకాష్‌ పూరీ హీరోగా నటిస్తున్న తాజా సినిమా 'చోర్‌ బజార్‌'. గెహన సిప్పీ నాయికగా నటిస్తున్న ఈ చిత్రానికి జీవన్‌ రెడ్డి దర్శకత్వం వహిస్తున్నారు. ఐ.వి.ప్రొడక్షన్స్‌ పతాకంపై వి.ఎస్‌ రాజు నిర్మించిన ఈ సినిమా థియేటర్లలో విడుదలకు సిద్ధమవుతోంది. లవ్‌, యాక్షన్‌ ఎంటర్‌టైనర్‌గా రూపొందిన ఈ సినిమా కోసం సాంగ్స్‌ ప్రమోషన్స్‌ని యూనిట్‌ స్టార్ట్‌ చేశారు. తాజాగా ఈ చిత్రంలోని 'అబ్బబ్బా ఇది ఏం పోరి' అంటూ సాగే సాంగ్‌ను విడుదల చేశారు. 'అబ్బబ్బా ఇది ఏం పోరి..చూడగానే కళ్లు చెదిరి, కోసేసానమ్మో దాని జడపై మనసు పడి...మెడకీ నడుముకి నడుమ నాగుబాములాగ కదలాడి..' సాహిత్యంతో సాగిన ఈ పాట కథానాయిక అందాన్ని వర్ణిస్తూ సాగింది. సురేష్‌ బొబ్బిలి సంగీతాన్ని అందించిన ఈ పాటను రామ్‌ మిర్యాల ఆకట్టుకునేలా పాడారు. మిట్టపల్లి సురేందర్‌ సాహిత్యాన్ని అందించారు. భాను కొరియోగ్రఫీ చేసిన ఈ పాటలో సీనియర్‌ నాయిక అర్చన, హీరో ఆకాష్‌ పూరీ కనిపిస్తారు. ఈ చిత్రానికి సినిమాటోగ్రఫీ : జగదీష్‌ చీకటి, సంగీతం : సురేష్‌ బొబ్బిలి, ఎడిటింగ్‌ : అన్వర్‌ అలీ, ప్రభు దేవా, ఆర్ట్‌ : గాంధీ నడికుడికర్‌, బ్యాక్‌ గ్రౌండ్‌ స్కోర్‌ : ప్రియదర్శన్‌ బాలసుబ్రహ్మణ్యం, ఫైట్స్‌ : ఫథ్వీ శేఖర్‌, కొరియోగ్రఫీ : భాను, సహ నిర్మాత : అల్లూరి సురేష్‌ వర్మ, నిర్మాత : వి.ఎస్‌ రాజు, రచన- దర్శకత్వం : బి.జీవన్‌ రెడ్డి.
