లక్ష్మీ పిక్చర్స్‌, ఆదిత్య సినిమా పతాకంపై ఎస్తర్‌ నోరోన్హా, రిస్వి తిమ్మరాజు, అజరు ప్రధాన పాత్రల్లో రూపొందిన చిత్రం '69 సంస్కార్‌ కాలనీ'. పి.సునీల్‌ కుమార్‌ రెడ్డి దర్శకత్వంలో బి బాపిరాజు, ముతికి నాగ సత్యనారాయణ సంయుక్తంగా నిర్మించారు. అన్ని కార్యక్రమాలను పూర్తి చేసుకున్న ఈ సినిమా ఈనెల 18న విడుదలకు సిద్ధమైంది.
ఈ సందర్భంగా నిర్మాత బాపిరాజు మాట్లాడుతూ, 'ఎస్తర్‌ నోరోన్హా ప్రధాన పాత్రలో నటించిన మా చిత్రం ఈనెల 18న 300 థియేటర్లకి పైగా రెండు తెలుగు రాష్ట్రాల్లో విడుదల అవుతుంది. మేం విడుదల చేసిన ట్రైలర్స్‌కి పాటలకి, సోషల్‌ మీడియాలో 100 మిలియన్‌ పైగా వ్యూస్‌తో అనూహ్య స్పందన లభించింది. ఇండిస్టీతోపాటు డిస్ట్రిబ్యూటర్స్‌ దగ్గర నుంచి కూడా మంచి స్పందన వచ్చింది. మధుర ఆడియోలో విడుదలైన పాటలు కూడా అద్భుత రెస్పాన్స్‌ని దక్కించుకున్నాయి. ప్రవీణ్‌ ఇమ్మడి సంగీతం, గమన్‌ శ్రీ, యక్కలి రవీంద్రబాబు సాహిత్యం ప్రేక్షకులను బాగా ఆకట్టుకున్నాయి. ఎస్‌.వి.శివరాం కెమెరా పనితనం ప్రతి ఫ్రేమ్‌లోనూ కనిపిస్తుంది. ఆధునిక సమాజంలో మానవ సంబంధాల గురించి అందమైన కథతో, రొమాంటిక్‌ సన్నివేశాలతో మా దర్శకుడు సునీల్‌ కుమార్‌ రెడ్డి చాలా గొప్పగా చెప్పారు. ఆయన తన ప్రతి సినిమాలోనూ సమాజానికి ఉపయోగపడే అంశాలకు ఎక్కువ ప్రాధాన్యత ఇస్తారు. అందరికీ అర్థమయ్యే రీతిలో సమాజ ధోరణిగా చెప్పటానికి ప్రయత్నిస్తుంటారు. ఈ సినిమా ఆద్యంతం ప్రేక్షకులని ఎంటర్టైన్‌ చేస్తుంది. యూత్‌ ప్రేక్షకులతో పాటు ఫ్యామిలీ ఆడియన్స్‌కి కూడా నచ్చుతుంది. ఎస్తర్‌ పోషించిన వైశాలి పాత్ర ప్రేక్షకులను బాగా అలరిస్తుంది. మా సినిమా ప్రతి ఒక్కరు చూడాలి'' అని కోరుకున్నారు.
ఎస్తర్‌ నోరోన్హా, రిస్వి తిమ్మరాజు, అజరు, భద్రం, శిల్పా నాయక్‌ , రామన్‌, సముద్రం వెంకటేష్‌ తదితరులు నటించిన ఈ చిత్రానికి డైలాగ్స్‌, స్క్రీన్‌ ప్లే, డైరెక్షన్‌ : పి.సునీల్‌ కుమార్‌ రెడ్డి, స్టోరీ : గాయత్రి స్వాతి మంత్రిప్రగడ, మ్యూజిక్ : ప్రవీణ్‌ ఇమ్మడి, డిఓపి : ఎస్‌.వి.శివరాం, ఎడిటర్‌ : కష్ణ మండల.
