విజయ్ ఆంటోనిని స్టార్‌ హీరోగా మార్చిన సినిమా 'బిచ్చగాడు'. 'బిచ్చగాడు 2' పేరుతో ఈ చిత్రానికి సీక్వెల్‌ రూపొందుతోంది. ఈ సినిమాను విజరు ఆంటోని ఫిల్మ్ కార్పొరేషన్‌ బ్యానర్‌ పై ఫాతిమా విజరు ఆంటోని నిర్మిస్తున్నారు. ఈ చిత్రంలో నటించడమే కాకుండా దర్శకత్వం, సంగీతం, ఎడిటింగ్‌ బాధ్యతలనూ విజరు ఆంటోని నిర్వహి స్తుండటం విశేషం. కావ్య థాపర్‌ నాయికగా నటిస్తున్న ఈ చిత్ర థీమ్‌ సాంగ్‌ను మేకర్స్‌ బుధవారం విడుదల చేశారు.
'ఆద్యంతం ఆసక్తికరంగా సాగుతూ సినిమా కాన్సెప్ట్‌ ఎలా ఉండబోతుందనే హింట్‌ని ఈ థీమ్‌ సాంగ్‌ ఇచ్చింది. రోల్స్‌ రాయిస్‌ కారులో నుంచి స్టార్‌ హోటల్‌ దగ్గర దిగిన కథానాయకుడు అక్కడ బిచ్చగాడిలా మేకప్‌ వేసుకుంటాడు. ఆటోలో బయటకు వెళ్తాడు. అతను వెళ్తున్నది యాంటీ బికిలీ మిషన్‌ మీద అనేది తర్వాత తెలుస్తుంది. ఈ మిషన్‌ ఏంటి అనేది సినిమాలో చూడాలి. చరిత్రను సంపన్నులు రాశారు. పేదల బతుకులు వాళ్లకు తెలియదు. వస్తున్నాడు చరిత్రను మార్చి రాసేందుకు అంటూ యాంటీ బికిలీ లక్ష్యమేంటో థీమ్‌ సాంగ్‌లో చెప్పేశారు. భగవద్గీతలో శ్రీకష్ణుడు చెప్పిన ధర్మసంస్థాపనార్దయా సంభవామి యుగే యుగే శ్లోకం నేపథ్యంగా ఆద్యంతం ఆసక్తికరంగా సాగిన ఈ థీమ్‌ సాంగ్‌ అందరిలోనూ మరింత ఆసక్తిరేపుతోంది' అని చిత్ర బృందం తెలిపింది.
దేవ్‌ గిల్‌, హరీష్‌ పెరడి, జాన్‌ విజరు, రాధా రవి, మన్సూర్‌ అలీ ఖాన్‌, వైజీ మహేంద్రన్‌, రాజా కష్ణమూర్తి తదితరులు ఇతర కీలక పాత్రల్లో నటిస్తున్న ఈ చిత్రానికి సినిమాటోగ్రఫీ : విజరు మిల్టన్‌, ఓం ప్రకాష్‌.
