యువ కథానాయకుడు విశ్వక్‌ సేన్‌ నటించిన తాజా చిత్రం 'అశోకవనంలో అర్జున కళ్యాణం'. బి.వి.ఎస్‌.ఎన్‌.ప్రసాద్‌ సమర్పణలో ఎస్‌వీసీసీ డిజిటల్‌ బ్యానర్‌పై బాపినీడు, సుధీర్‌ ఈదర ఈ చిత్రాన్ని నిర్మించారు. ఈ సినిమాను ఏప్రిల్‌ 22న విడుదల చేస్తున్నట్లు మేకర్స్‌ ఎనౌన్స్‌ చేశారు.
'మా సినిమా ప్రమోషన్స్‌ను డిఫరెంట్‌గా చేస్తున్నాం. విశ్వక్‌ సేన్‌ పాత్ర యూత్‌కి బాగా కనెక్ట్‌ అయ్యింది. తను ఇప్పటి వరకు చేసిన సినిమాలకు భిన్నమైన పాత్రలో కనిపించబోతున్నారు. ఈ చిత్రంలో విశ్వక్‌ సేన్‌ అల్లం అర్జున్ కుమార్‌ పాత్రను పోషిస్తున్న సంగతి తెలిసిందే. ఇప్పటికే విడుదలైన టీజర్‌తో పాటు 'ఓ ఆడపిల్ల..', 'సిన్నవాడా...' లిరిక్‌ సాంగ్స్‌కు అమేజింగ్‌ రెస్పాన్స్‌ వచ్చింది. అన్ని వర్గాల ప్రేక్షకులు మెచ్చేలా ఈ సినిమా హిలేరియస్‌గా ఉంటుంది' అని మేకర్స్‌ తెలిపారు.
ఈ ఫ్యామిలీ ఎంటర్‌టైనింగ్‌ చిత్రానికి 'రాజావారు రాణిగారు' డైరెక్టర్‌ రవి కిరణ్‌ కోలా కథ, మాటలు, స్క్రీన్‌ ప్లే అందిస్తున్నారు. విద్యా సాగర్‌ చింతా దర్శకత్వంలో తెరకెక్కుతున్న ఈ చిత్రానికి జై క్రిష్‌ సంగీతం సమకూరుస్తున్నారు. విష్వక్‌ సేన్‌, రుక్సర్‌ థిల్లాన్‌ జంటగా నటిస్తున్న ఈ చిత్రానికి సినిమాటోగ్రఫీ: పవి కె.పవన్‌, రచన: రవికిరణ్‌ కోలా, ఎడిటర్‌: విప్లవ్‌, ప్రొడక్షన్‌ డిజైనర్‌: ప్రవల్య దుడ్డిపూడి.
