శివ కంఠమనేని, సంజన గల్రాని, ప్రియా హెగ్దే, చాణక్య ప్రధాన పాత్రల్లో నటిస్తున్న చిత్రం 'మణిశంకర్‌'. డబ్బు చుట్టూ తిరిగే ఆసక్తికరమైన కథ,కథనాలు, యాక్షన్‌ ఎలిమెంట్స్‌తో ఒక డిఫరెంట్‌ సినిమాగా తెరకెక్కుతున్న ఈ చిత్రానికి కథ, స్క్రీన్‌ ప్లే, మాటలు, దర్శకత్వ భాద్యతల్ని జి.వి.కె(జి. వెంకట్‌కష్టణ్‌) నిర్వహించారు. లైట్‌ హౌస్‌ సినీ క్రియేషన్స్‌ పతాకంపై కె.ఎస్‌.శంకర్‌ రావు, ఆచార్య శ్రీనివాసరావు, ఎం.ఫణిభూషణ్‌ సంయుక్తంగా నిర్మించారు.
ఇప్పటికే ఈ సినిమా నుండి విడుదలైన ప్రమోషనల్‌ కంటెంట్‌కి మంచి స్పందన లభించింది. లేటెస్ట్‌గా ఈ చిత్ర టీజర్‌ను ప్రముఖ దర్శకుడు కళ్యాణ్‌ కష్ణ రిలీజ్‌ చేశారు. ఈ సందర్భంగా ఆయన మాట్లాడుతూ, ''మణిశంకర్‌' పోస్టర్స్‌, టీజర్‌ చూశాను. చాలా ఇంప్రెసీవ్‌గా ఉన్నాయి. ప్రస్తుతం సమాజంలో జరుగుతున్న సంఘటనలను ఆధారం చేసుకుని దర్శకుడు జీవీకే ఈ స్క్రిప్ట్‌ చేసినట్లు తెలుస్తోంది. అత్యంత సహజంగా ఉంది. శివ కంఠమనేని నటన ఫిదా చేసేలా అనిపించింది. ఈ సినిమా మంచి సక్సెస్‌ సాధించి జీవీకే, శివ గారి కెరీర్‌కు హెల్ప్‌ అవ్వాలని కోరుకుంటూ, టీమ్‌ అందరికీ ఆల్‌ ది బెస్ట్‌' అని చెప్పారు.
'కళ్యాణ్‌ కష్ణగారు మంచి పాజిటీవ్‌ యాటిట్యూట్‌ ఉన్న డైరెక్టర్‌. అందరికీ మంచి జరగాలని కోరుకునే మంచి మనసున్న వ్యక్తుల్లో ఒకరు. మా మూవీ టీజర్‌ ఆయన చేతుల మీదుగా రిలీజ్‌ అవ్వడం హ్యాపీగా ఉంది. ఇదొక యాక్షన్‌ థ్రిల్లర్‌. మంచి కంటెంట్‌ని యాక్షన్‌ మోడ్‌, సస్పెన్స్‌ వేలో చెప్పాం. అవుట్‌ ఫుట్‌ చాలా బాగా వచ్చింది' అని దర్శకుడు జీవీకే అన్నారు.
హీరో శివ కంఠమనేని మాట్లాడుతూ, 'టీజర్‌ తప్పకుండా మీ అందరికీ నచ్చుతుందని భావిస్తున్నాం. మణిశంకర్‌ అనే ఒక పెద్ద గ్యాంగ్‌స్టర్‌ చేసే కొన్ని డీలింగ్స్‌కి సంబంధించిన కథ. సంజన, చాణక్య, ప్రియా హెగ్డే ఇలా.. మా పాత్రల చుట్టూ తిరిగే ఈ కథలో ఎంటర్‌టైన్‌మెంట్‌తో పాటు యాక్షన్‌, థ్రిల్లింగ్‌ అంశాలు ఉంటాయి' అని తెలిపారు. మాణిక్య రెడ్డి, సుబ్బరాజ్‌ శర్మ, అరోహి నాయుడు, నెల్లూరు సుబ్బు నటిస్తున్న ఈ చిత్రానికి సినిమాటోగ్రఫి: జె. ప్రభాకర్‌ రెడ్డి, సంగీతం: ఎం.ఎల్‌.రాజా, ఎడిటర్‌: సత్య గిదుటూరి, ఆర్ట్‌: షేరా, ఫైట్స్‌: వింగ్‌చున్‌ అంజీ, లిరిక్స్‌: పెద్దాడ మూర్తి.
