అగ్ర నాయిక సమంత నటిస్తున్న తాజా చిత్రం 'యశోద'. ఇంతకు ముందు ఆమె చేసిన ఫిమేల్‌ ఓరియెంటెడ్‌ ఫిల్మ్స్‌కు డిఫరెంట్‌ ఫిల్మ్ ఇది. ఇందులో యాక్షన్‌ పార్ట్‌ కూడా ఉంది. హాలీవుడ్‌ యాక్షన్‌ డైరెక్టర్‌ యానిక్‌ బెన్‌తో యాక్షన్‌ సీక్వెన్స్‌ తీశారు. 'ద ఫ్యామిలీ మ్యాన్‌ 2' వెబ్‌ సిరీస్‌కు యానిక్‌ బెన్‌ వర్క్‌ చేశారు. అందులో యాక్షన్‌ సీన్స్‌కు ఆయన డైరెక్షన్‌ చేశారు. సమంతతో 'యశోద' ఆయనకు సెకండ్‌ ప్రాజెక్ట్‌.
హాలీవుడ్‌లో క్రిస్టోఫర్‌ నోలన్‌ సినిమాలకు స్టంట్‌ పర్ఫార్మర్‌గా కూడా ఆయన వర్క్‌ చేశారు. రీసెంట్‌గా హైదరాబాద్‌లో పది రోజుల పాటు 'యశోద' యాక్షన్‌ సీక్వెన్స్‌ని షూట్‌ చేశారు. ఇంకో యాక్షన్‌ సీక్వెన్స్‌ కొడైకెనాల్‌లో జరిగే షెడ్యూల్‌లో తీయాలని ప్లాన్‌ చేశారు. మూడు కోట్ల రూపాయల భారీ వ్యయంతో ఆర్ట్‌ డైరెక్టర్‌ అశోక్‌ వేసిన సెట్స్‌లో ప్రస్తుతం షూటింగ్‌ చేస్తున్నారు.
హాలీవుడ్‌ యాక్షన్‌ డైరెక్టర్‌ యానిక్‌ బెన్‌ నేతత్వంలో తీసిన యాక్షన్‌ సీక్వెన్స్‌ గురించి శ్రీదేవి మూవీస్‌ అధినేత శివలెంక కష్ణప్రసాద్‌ మాట్లాడుతూ, 'సమంత తదితరులపై పది రోజుల పాటు మూడు సెట్స్‌లో చిత్రీకరణ చేశాం. సమంత కష్టపడి ఎంతో అద్భుతంగా యాక్షన్‌ సీన్స్‌ చేశారు. అన్ని వర్గాల ప్రేక్షకుల్ని ఆకట్టుకునే థ్రిల్లర్‌ చిత్రమిది' అని చెప్పారు.
వరలక్ష్మీ శరత్‌ కుమార్‌, ఉన్ని ముకుందన్‌, రావు రమేష్‌, మురళీ శర్మ, సంపత్‌ రాజ్‌ తదితరులు నటిస్తున్న ఈ చిత్రానికి హరి, హరీష్‌ దర్శకులు.
