అల్లుఅర్జున్‌, సుకుమార్‌ కాంబినేషన్‌లో రూపొందిన పాన్‌ ఇండియా సినిమా 'పుష్ప'. విశేష ప్రేక్షకాదరణతో ఈ సినిమా వరల్డ్‌ వైడ్‌గా అఖండ విజయాన్ని సొంతం చేసుకుంది. కలెక్షన్ల పరంగా కూడా కాసుల వర్షాన్ని కురిపించింది.
ఈ నేపథ్యాన్ని పురస్కరించుకుని శనివారం పార్క్‌ హయత్‌లో ఏర్పాటు చేసిన ఓ ప్రత్యేక కార్యక్రమంలో డాక్టర్‌ కంచర్ల చంద్రశేఖర్‌ రెడ్డి ఆధ్వర్యంలో అల్లు అర్జున్‌ను ఘనంగా సన్మానించి, ఇంతటి ఘన విజయం ఒక్క అల్లుఅర్జున్‌కే సాధ్యమని అభినందించారు. ఈ కార్యక్రమానికి ముఖ్య అతిథిగా చిరంజీవి, అల్లు అరవింద్‌, కేంద్ర మాజీ మంత్రి టి.సుబ్బిరామిరెడ్డి, భానుప్రకాష్‌ ఐఏఎస్‌, త్రివిక్రమ్‌ శ్రీనివాస్‌, హరీష్‌ శంకర్‌, క్రిష్‌, గుణశేఖర్‌ తదితరులు హాజరయ్యారు. అల్లుఅర్జున్‌ను అల్లుఅర్జున్‌ ఫ్యాన్స్‌ అసోసియేషన్‌ ప్రెసిడెంట్‌ గడ్డం రవికుమార్‌ గజమాలతో సత్కరించారు.
మీ స్నేహితులకు రికమెండ్ చెయ్యండి
