యష్‌ కథానాయకుడిగా నటిస్తున్న పాన్‌ ఇండియా చిత్రం 'కేజీఎఫ్‌ 2'. ప్రశాంత్‌ నీల్‌ దర్శకత్వంలో భారీ, క్రేజీ చిత్రాలకు కేరాఫ్‌ అడ్రస్‌గా నిలిచిన ప్రముఖ నిర్మాణ సంస్థ హౌంబలే ఫిలింస్‌ ఈ చిత్రాన్ని నిర్మించింది. 'కేజీఎఫ్‌1'కు కొనసాగింపుగా రూపొందుతున్న చిత్రమిది. ఏప్రిల్‌ 14న తెలుగు, కన్నడ, మలయాళ, హిందీ, తమిళ భాషల్లో గ్రాండ్‌ రిలీజ్‌ కానుంది. ఈనెల 27న ట్రైలర్‌ను విడుదల చేయబోతున్నారు.
అధీర అనే పవర్‌ ఫుల్‌ విలన్‌ పాత్రలో బాలీవుడ్‌ స్టార్‌ సంజరు దత్‌ నటించారు. రవీనాటాండన్‌ కీలక పాత్రను పోషించగా రావు రమేష్‌, ప్రకాశ్‌ రాజ్‌ ఇతర పాత్రల్లో మెప్పించనున్నారు. భారీ అంచనాలతో విడుదలకు సిద్ధమవుతున్న ఈ చిత్రం నుంచి సోమవారం 'తుఫాన్‌..' అంటూ సాగే లిరికల్‌ వీడియో సాంగ్‌ను విడుదల చేశారు. ఐదు భాషల్లో రిలీజైన ఈ సాంగ్‌కు ఆమేజింగ్‌ రెస్పాన్స్‌ వస్తోంది.
'దుర్మార్గుల చేతిలో చిదిమివేయబడుతున్న నరాచిలోని అమాయకులకు అండగా నిలిచిన రాకీ భారు గురించి ఎంతో గొప్పగా చెప్పడంతో ప్రారంభమయ్యే ఈ లిరికల్‌ వీడియో, దానికి కొనసాగింపుగా వచ్చే సాంగ్‌ వింటుంటే గూజ్‌ బమ్స్‌ వస్తున్నాయి. రవి బస్రూర్‌ సంగీతం పాటలోని ఎమోషన్స్‌ను మరో రేంజ్‌లో ఎలివేట్‌ చేశాయి. దేశవ్యాప్తంగా 'కేజీఎఫ్‌1' ప్రేక్షకుల్ని విశేషంగా అలరించి, అఖండ విజయం సాధించింది. అంతేకాకుండా కన్నడ సినిమా పరిశ్రమకి పాన్‌ ఇండియా స్థాయిని తీసుకొచ్చింది. దీంతో దీనికి సీక్వెల్‌గా రూపొందిన 'కేజీఎఫ్‌2'పై అందరిలోనూ భారీ అంచనాలు ఉన్నాయి. అయితే వాటికి దీటుగా ఈ సినిమా ఉంటుందని మేకర్స్‌ దీమా వ్యక్తం చేస్తున్నారు. అందరూ ఎంతో ఆసక్తిగా ఎదురు చూస్తున్న ఈ చిత్రం కచ్చితంగా సెన్సేషనల్‌ హిట్‌ అవుతుందనే నమ్మకంతోనూ ఉన్నారు. అలాగే రాకీ భారుగా యష్‌ వసూళ్ల తుఫాన్‌ను ఎలా కొనసాగించబోతున్నారో అని ఆయన ఫ్యాన్స్‌, ప్రేక్షకులు, ట్రేడ్‌ వర్గాలు సైతం ఎంతో ఎగైజింగ్‌గా ఎదురు చూస్తున్నాయి' అని చిత్ర బృందం తెలిపింది.
