తాప్సీ పన్ను ప్రధాన పాత్రలో నటించిన చిత్రం 'మిషన్‌ ఇంపాజిబుల్‌'. 'ఏజెంట్‌ సాయి శ్రీనివాస ఆత్రేయ' ఫేమ్‌ స్వరూప్‌ ఆర్‌ఎస్‌జె దర్శకుడు. మ్యాట్నీ ఎంటర్‌టైన్‌మెంట్‌ పై నిరంజన్‌ రెడ్డి, అన్వేష్‌ రెడ్డి నిర్మిస్తున్నారు. ఎన్‌. ఎం. పాషా సహ నిర్మాత.
ఇటీవల ఈ చిత్రం సెన్సార్‌ పూర్తి చేసుకుని, యు/ఎ సర్టిఫికెట్‌ పొందింది. ప్రమోషన్‌లో భాగంగా ఇటీవలే అగ్ర కథా నాయకుడు మహేష్‌ బాబు విడుదల చేసిన థియేట్రికల్‌ ట్రైలర్‌కు అద్భుతమైన స్పందన వచ్చింది. ఇందులో నటించిన ముగ్గురు పిల్లల నటన హైలైట్‌గా నిలిచింది. దావూద్‌ ఇబ్రహీంని పట్టుకునే క్రమంలో వారికి ఎదురైన సమస్యలు ఎంటర్టైనింగ్‌గా ఉన్నాయి. ఇన్వెస్టిగేటివ్‌ జర్నలిస్టుగా తాప్సీ నటించింది. రీసెంట్‌గా విడుదలైన పాటకు మంచి రెస్సాన్స్‌ వచ్చింది. దీంతో సినిమాపై మరింత అంచనాలు పెరిగాయి. తెలుగులో డిఫరెంట్‌ సినిమాగా రూపొందిన ఈ చిత్రం ఏప్రిల్‌ 1న విడుదల కాబోతుంది. వాస్తవ సంఘటన ఆధారంగా దర్శకుడు స్వరూప్‌ తనదైన రచన, టేకింగ్‌తో కమర్షియల్‌ అంశాలతో ఈ చిత్రాన్ని అద్భుతంగా రూపొందించారు' అని చిత్ర బృందం పేర్కొంది. ఈ చిత్రానికి సినిమాటోగ్రఫీ: దీపక్‌ యెరగరా, సంగీత దర్శకుడు: మార్క్‌ కె రాబిన్‌, ఎడిటర్‌: రవితేజ గిరిజాల, ఆర్ట్‌ డైరెక్టర్‌: నాగేంద్ర.
