వరుణ్‌ తేజ్‌ హీరోగా కిరణ్‌ కొర్రపాటి తెరకెక్కిస్తున్న సినిమా 'గని'. అల్లు బాబీ కంపెనీ, రినైసాన్స్‌ పిక్చర్స్‌ సంయుక్తంగా నిర్మిస్తున్న ఈ చిత్రానికి అల్లు అరవింద్‌ సమర్పకుడిగా ఉన్నారు. ఈ చిత్రంలో 'కొడితే..' అంటూ స్పెషల్‌ సాంగ్‌లో నటించిన నటించిన తమన్నా వీడియో సాంగ్‌ విడుదల చేశారు. ఇటీవల విడుదలైన ఈ పాటకు అనూహ్యమైన స్పందన లభిస్తోంది.
'ఇప్పటికే విడుదలైన టీజర్‌, పాటలకు అద్భుతమైన రెస్పాన్స్‌ వచ్చింది. లేటెస్ట్‌గా తమన్నా నటించిన 'కొడితే..' పాటకు సైతం విశేష ఆదరణ లభించింది. యూ ట్యూబ్‌లో మిలియన్స్‌ కొద్దీ వ్యూస్‌ వస్తున్నాయి. 'కొడితే' అంటూ సాగే ఈ పాటను రామజోగయ్య శాస్త్రి రాయగా, హారిక నారాయణ్‌ పాడిన ఈ పాట ట్రెండింగ్‌లో ఉంది. తమన్నా అంద చందాలు పాటకు అదనపు ఆకర్షణ. బాక్సింగ్‌ బ్యాక్‌డ్రాప్‌లో తెరకెక్కిన ఈ సినిమా కోసం వరుణ్‌ తేజ్‌ చాలా మేకోవర్‌ అయ్యారు. సిక్స్‌ ప్యాక్‌ చేసి సరికొత్త ఫిజిక్‌తో కనిపిస్తున్నారు. సయీ మంజ్రేకర్‌ హీరోయిన్‌గా నటిస్తున్న ఈ చిత్రంలో జగపతిబాబు, సునీల్‌ శెట్టి, ఉపేంద్ర, నవీన్‌ చంద్ర కీలక పాత్రల్లో నటిస్తున్నారు. తాజాగా విడుదలైన టీజర్‌ సినిమాపై అంచనాలు మరింత పెంచేసింది. ఏప్రిల్‌ 8న ఈ సినిమా విడుదల కానుంది' అని చిత్ర యూనిట్‌ తెలిపింది.
ఈ చిత్రానికి దర్శకుడు: కిరణ్‌ కొర్రపాటి, నిర్మాతలు: అల్లు బాబీ, సిద్దు ముద్ద, ప్రొడక్షన్‌ డిజైనర్‌: రవీందర్‌, సినిమాటోగ్రపీ: జార్జ్‌ సి విలియమ్స్‌, ఎడిటర్‌: మార్తాండ్‌ కె. వెంకటేష్‌, సంగీతం: ఎస్‌.ఎస్‌.తమన్‌.
