అంజన్‌ రామచంద్ర, శ్రావణి రెడ్డి హీరో, హీరోయిన్లుగా నటిస్తున్న చిత్రం 'లవ్‌ రెడ్డి'. ఎమ్జీఆర్‌ ఫిలిమ్స్‌, గీతన్స్‌ ప్రొడక్షన్స్‌, శహరి స్టూడియోస్‌ బ్యానర్స్‌ సంయుక్తంగా తెరకెక్కిస్తున్న ఈ చిత్రం ఇప్పటి వరకు 80 శాతం షూటింగ్‌ పూర్తి చేసుకుంది. ఈ సినిమాతో స్మరన్‌ రెడ్డి దర్శకుడిగా పరిచయం అవుతున్నారు. హేమలత రెడ్డి, మదన్‌ గోపాల్‌ రెడ్డి, ప్రభంజనం రెడ్డి, నాగరాజు బీరప్ప నిర్మిస్తున్న ఈ చిత్ర టైటిల్‌ పోస్టర్‌ను నందమూరి బాలకష్ణ విడుదల చేశారు.
ఈ సందర్భంగా ఆయన మాట్లాడుతూ, 'యంగ్‌ టీమ్‌ అందరూ కలిసి చేస్తున్న ఈ సినిమా పెద్ద విజయం సాధించాలి. టైటిల్‌ చాలా క్యాచీగా ఉంది. అందరికీ ఈ సినిమా నచ్చుతుందనే నమ్మకం ఉంది' అని చెప్పారు.
'ఆంధ్ర, కర్ణాటక బోర్డర్‌లో జరిగే స్వచ్ఛమైన ప్రేమకథగా దీన్ని రూపొందిస్తున్నాం. కర్ణాటకలోని బాగేపల్లి ప్రాంతంలో, అలాగే బెంగళూరులో కొన్ని కీలక సన్నివేశాలు చిత్రీకరించబోతున్నాం. త్వరలో ఫస్ట్‌లుక్‌ను మేకర్స్‌ రిలీజ్‌ చేయబోతున్నారు' అని చిత్ర బృందం తెలిపింది. ఈ చిత్రానికి కథ, స్క్రీన్‌ ప్లే, దర్శకత్వం: స్మరన్‌ రెడ్డి, సంగీతం: ప్రిన్స్‌ హేన్రి, ఎడిటింగ్‌: చోటా కె ప్రసాద్‌, సహ నిర్మాతలు: నవీన్‌ రెడ్డి, సుమలత రెడ్డి, సుస్మిత రెడ్డి, ఎ. హరీష్‌.
