ఆనంద్‌ వర్ధన్‌, దివి, అర్జున్, స్నేహల్‌, సునీల్‌, హర్ష వర్ధన్‌, రాఘవ, మెహబూబ్‌ బాషా ప్రధాన పాత్రల్లో నటించిన చిత్రం 'ఆన్‌ ది వే'. సంధ్య 35 ఎమ్‌ఎమ్‌ సమర్పణలో ఎస్‌ఎస్‌ క్రియేటివ్‌ కమర్షియల్స్‌ పతాకంపై హరి పెయ్యల దర్శకత్వంలో ఏ.శివ హరీష్‌, ఏ.జయంత్‌ రెడ్డి సంయుక్తంగా నిర్మిస్తున్నారు. క్రైమ్‌ కామెడీ థ్రిల్లర్‌గా రాబోతున్న ఈ సినిమా మొత్తాన్ని హైదరాబాద్ రోడ్స్‌లో చిత్రీకరించారు. త్వరలోనే విడుదలకు సిద్ధంగా ఉన్న ఈ చిత్ర టైటిల్‌ లోగోను 'డీజే టిల్లు' హీరో సిద్ధు జొన్నలగడ్డ విడుదల చేశారు. ఈ సందర్భంగా ఆయన మాట్లాడుతూ, 'యంగ్‌ టీమ్‌ అందరూ కలిసి చేసిన 'ఆన్‌ ది వే' సినిమా పోస్టర్‌, టైటిల్‌ ఇంట్రెస్టింగ్‌గా ఉన్నాయి. కాన్సెప్ట్‌ బాగున్న సినిమాలు ఈ మధ్య మంచి విజయం సాధిస్తున్నాయి. ఈ సినిమా కూడా పెద్ద సక్సెస్‌ సాధించి చిత్ర యూనిట్‌కు మంచి పేరు రావాలని కొరుకుంటున్నాను' అని అన్నారు.
ఈ చిత్రానికి రచన - దర్శకత్వం: హరి పెయ్యల, నిర్మాతలు: ఏ. శివ హరీష్‌, ఏ.జయంత్‌ రెడ్డి, సంగీతం: మార్క్‌ కె రాబిన్‌,
కెమెరామెన్‌: కిషోర్‌ బోయిడపు, ఎడిటర్‌: క్రాంతి (ఆర్కెే), డైలాగ్స్‌: ఎల్‌.వి.శివ.
