యువ హీరో ఉదరు శంకర్‌ నటిస్తున్న కొత్త సినిమాకి 'నచ్చింది గర్ల్‌ ఫ్రెండూ' అనే టైటిల్‌ని ఖరారు చేశారు. ఉదరు శంకర్‌ తన కెరీర్‌లో చేస్తున్న మరో విభిన్న చిత్రమిది. జెన్నీ హీరోయిన్‌గా, మధునందన్‌ కీలక పాత్రధారిగా నటిస్తున్నారు. అట్లూరి ఆర్‌ సౌజన్య సమర్పణలో కమర్షియల్‌ థ్రిల్లర్‌గా రూపొందుతున్న ఈ చిత్రాన్ని గురు పవన్‌ దర్శకత్వంలో శ్రీరామ్‌ ఆర్ట్స్‌ బ్యానర్‌ పై అట్లూరి నారాయణ రావు నిర్మిస్తున్నారు. ఉగాది పండగ సందర్భంగా ఈ చిత్ర టైటిల్‌ని మేకర్స్‌ ఎనౌన్స్‌ చేస్తూ ఓ పోస్టర్‌ని రిలీజ్‌ చేశారు.
'అప్పటికే కొన్ని రోజ్‌ ఫ్లవర్స్‌ పట్టుకుని ఉన్న హీరోయిన్‌కు రోజ్‌ ఫ్లవర్‌ ఇస్తూ లవ్‌ ప్రపోజ్‌ చేస్తున్న కథానాయకుడిని వద్దని వారిస్తున్నాడు అతని స్నేహితుడు. 'నచ్చింది గర్ల్‌ ఫ్రెండూ' టైటిల్‌ని కూడా ఇంట్రెస్టింగ్‌గా డిజైన్‌ చేశారు. ఈ పోస్టర్‌తో హీరో క్యారెక్టరైజేషన్‌ ఏంటనే ఆసక్తి అందరిలోనూ కలుగుతోంది. సీనియర్‌ హీరో సుమన్‌, పధ్వీరాజ్‌, శ్రీకాంత్‌ అయ్యంగార్‌ ఇతర ప్రధాన పాత్రల్లో నటిస్తున్నారు. ప్రస్తుతం రెగ్యులర్‌ షూటింగ్‌ ఏకధాటిగా జరుగుతోంది. అందమైన ప్రేమకథ చుట్టూ జరిగే థ్రిల్లింగ్‌ అంశాలను పక్కా కమర్షియల్‌ పంథాలో చూపించబోతున్నారు' అని చిత్ర బృందం తెలిపింది.
ఈ చిత్రానికి సినిమాటోగ్రఫీ : సిద్దం మనోహార్‌, మ్యూజిక్: గిఫ్టన్‌, ఎడిటర్‌: జునాయిద్‌ సిద్దిఖి, ఆర్ట్‌: దొలూరి నారాయణ.
