నందమూరి కళ్యాణ్‌ రామ్‌ టైటిల్‌ పాత్రలో నటిస్తున్న తాజా చిత్రం 'బింబిసార'. 'ఏ టైమ్‌ ట్రావెల్ ఫ్రమ్‌ ఈవిల్‌ టు గుడ్‌' అనేది ట్యాగ్‌ లైన్‌. నందమూరి తారక రామారావు ఆర్ట్స్‌ పతాకంపై హరికష్ణ.కె ఈ చిత్రాన్ని నిర్మిస్తున్నారు. వశిష్ఠ్‌ ఈ చిత్రంతో దర్శకుడిగా పరిచయం అవుతున్నారు. నందమూరి కళ్యాణ్‌ రామ్‌ హీరోగా నటిస్తున్న 18వ చిత్రమిది.
శనివారం తెలుగు సంవత్సరాది ఉగాది సందర్భంగా ఈ సినిమా రిలీజ్‌ డేట్‌ పోస్టర్‌ను చిత్ర యూనిట్‌ విడుదల చేసింది. ఈ చిత్రాన్ని ఆగస్ట్‌ 5న వరల్డ్‌ వైడ్‌గా చాలా గ్రాండ్‌గా రిలీజ్‌ చేసేందుకు మేకర్స్‌ సన్నాహాలు చేస్తున్నారు.
'ఇప్పటి వరకు ఈ సినిమా నుంచి విడుదలైన కళ్యాణ్‌ రామ్‌ ఫస్ట్‌ లుక్‌, మోషన్‌ పోస్టర్‌, టీజర్‌ సినిమాపై అంచనాలను పెంచాయి.
ఇందులో విజువల్‌ ఎఫెక్ట్స్‌, గ్రాఫిక్స్‌ కీలకంగా ఉండబోతున్నాయి. భారీ సెట్స్‌తో కళ్యాణ్‌ రామ్‌ కెరీర్‌లోనే భారీ బడ్జెట్‌తో రూపొందుతోన్న హై టెక్నికల్‌ వ్యాల్యూస్‌ ఉన్న చిత్రమిది. కళ్యాణ్‌ రామ్‌ సరసన కెథరిన్‌ ట్రెసా, సంయుక్తా మీనన్‌ హీరోయిన్టుగా నటిస్తున్నారు' అని చిత్ర యూనిట్‌ పేర్కొంది.
ఈ చిత్రానికి పాటలు: సిరి వెన్నెల సీతారామశాస్త్రి, రామజోగయ్య శాస్త్రి, డాన్స్‌: శోభి, రఘు, ఫైట్స్‌: వెంకట్‌, రామకష్ణ, వి.ఎఫ్‌.ఎక్స్‌: అనిల్‌ పడూరి, ఆర్ట్‌: కిరణ్‌ కుమార్‌ మన్నె, ఎడిటర్‌: తమ్మిరాజు, మ్యూజిక్: చిరంతన్‌ భట్‌, నేపథ్య సంగీతం: ఎం.ఎం.కీరవాణి, సినిమాటోగ్రఫీ: ఛోటా కె.నాయుడు, ప్రొడ్యూసర్‌: హరికష్ణ.కె, దర్శకత్వం: వశిష్ఠ్‌.
