దర్శకుడు కళ్యాణ్‌ కష్ణ కురసాల సమర్పణలో కాన్సెప్ట్‌ ఫిల్మ్స్‌ బ్యానర్‌పై నిర్మాత జీకే మోహన్‌ ఓ యూత్‌ ఫుల్‌ ఎంటర్‌టైనర్‌ని నిర్మిస్తున్నారు. సరికొత్త కంటెంట్‌ చిత్రాలను రూపొందించే ప్రణాళికలు సిద్ధం చేసుకుంటున్న కాన్సెప్ట్‌ ఫిల్మ్ తన తొలి ప్రొడక్షన్‌ వెంచర్‌ను ప్రకటించింది.
నవీన్‌ గాంధీ దర్శకత్వం వహిస్తున్న ఈ చిత్రంలో 'బిగ్‌ బాస్‌' ఫేమ్‌ దివి కథానాయికగా కనిపించనుంది. భరత్‌ కథానాయకుడిగా పరిచయం అవుతున్న ఈ చిత్రానికి 'లంబసింగి' అనే టైటిల్‌ను ఖరారు చేశారు. 'ఎ ప్యూర్‌ లవ్‌ స్టోరీ' అనేది ఉపశీర్షిక. ప్రతిభ గల కొత్త నటులు నటిస్తున్న ఈ చిత్రానికి ఆర్‌ఆర్‌ దవన్‌ సంగీతం సమకూరుస్తున్నారు.
ఈ చిత్రం నుండి మొదటి పాట 'నచ్చేసిందే నచ్చేసిందే'ని ఈనెల 16న చిత్ర యూనిట్‌ విడుదల చేయనుంది. గురువారం ఈ పాటకు సంబధించిన ప్రోమోను మేకర్స్‌ విడుదల చేశారు. మెస్మరైజ్‌ చేస్తున్న ఈ రొమాంటిక్‌ మెలోడీని సింగింగ్‌ సెన్సేషన్‌ సిద్‌ శ్రీరామ్‌ అద్భుతంగా ఆలపించారు. దీంతోఈ ప్రోమో పూర్తి పాట కోసం అందరూ ఎదురుచూసేలా ఆసక్తిని పెంచింది. హీరో, హీరోయిన్లపై చిత్రీకరించిన ఈ పాటకు కాసర్ల శ్యామ్‌ సాహిత్యం అందించారు. ఇప్పటికే షూటింగ్‌ పూర్తయిన ఈ సినిమా ప్రస్తుతం పోస్ట్‌ ప్రొడక్షన్‌ పనులను శరవేగంగా జరుపుకుంటోంది.
ఈ చిత్రానికి కథ, స్క్రీన్‌ ప్లే, డైలాగ్స్‌, దర్శకత్వం: నవీన్‌ గాంధీ, నిర్మాత: జికె మోహన్‌, సమర్పణ: కళ్యాణ్‌ కష్ణ కురసాల, డిఓపీ : కె బుజ్జి, సంగీతం: ఆర్‌ఆర్‌ ధృవన్‌, ఎడిటర్‌: కె విజరు వర్ధన్‌.
