'ఫలక్‌నుమా దాస్‌' నుంచి పాగల్‌ వరకు వైవిధ్యమైన కథా చిత్రాలతో యువ కథానాయకుడు విశ్వక్‌ సేన్‌ ప్రేక్షకుల్ని అలరిస్తున్నారు.
ఆయన నటించిన తాజా చిత్రం 'అశోకవనంలో అర్జున కళ్యాణం'. నిర్మాత బి.వి.ఎస్‌.ఎన్‌.ప్రసాద్‌ సమర్పణలో ఎస్‌వీసీసీ డిజిటల్‌ బ్యానర్‌పై బాపినీడు, సుధీర్‌ ఈదర ఈ చిత్రాన్ని నిర్మించారు. మే 6వ తేదీన ఈ చిత్రాన్ని భారీ స్థాయిలో విడుదల చేస్తున్నట్లు మేకర్స్‌ ఆదివారం ఎనౌన్స్‌ చేేశారు.
'''అశోకవనంలో అర్జున కళ్యాణం' ప్రమోషన్స్‌ను డిఫరెంట్‌గా చేస్తున్నాం. విశ్వక్‌ సేన్‌ పాత్ర యూత్‌కి బాగా కనెక్ట్‌ అయ్యింది. తను ఇప్పటి వరకు చేసిన సినిమాలకు భిన్నమైన పాత్రలో కనిపించ బోతున్నారు. ఈ చిత్రంలో విశ్వక్‌ సేన్‌ అల్లం అర్జున్ కుమార్‌ పాత్రను పోషిస్తోన్న సంగతి తెలిసిందే. ఇప్పటికే విడుదలైన టీజర్‌తో పాటు పాటలకు చాలా మంచి రెస్పాన్స్‌ వచ్చింది. అన్ని వర్గాల ప్రేక్షకులు మెచ్చేలా హిలేరియస్‌గా ఈ సినిమా ఉంటుంది' అని మేకర్స్‌ తెలిపారు. ఈ ఫ్యామిలీ ఎంటర్‌టైనింగ్‌ చిత్రానికి 'రాజావారు రాణిగారు' మూవీ డైరెక్టర్‌ రవి కిరణ్‌ కోలా కథ- మాటలు, స్క్రీన్‌ ప్లే అందించడం విశేషం. విద్యా సాగర్‌ చింతా చిత్రాన్ని తెరకెక్కించారు. జై క్రిష్‌ సంగీతం సమకూరుస్తున్నారు. విశ్వక్‌ సేన్‌, రుక్సర్‌ థిల్లాన్‌ జంటగా నటిస్తున్న ఈ చిత్రానికి సినిమాటోగ్రఫీ: పవి కె.పవన్‌, ఎడిటర్‌: విప్లవ్‌, ప్రొడక్షన్‌ డిజైనర్‌: ప్రవల్య దుడ్డిపూడి.
