వెంకటేష్‌, వరుణ్‌ తేజ్‌, తమన్నా, మెహ్రీన్‌, సోనాల్‌ చౌహాన్‌ ప్రధాన తారాగణంగా నటిస్తున్న చిత్రం 'ఎఫ్‌3'. అనిల్‌ రావిపూడి దర్శకత్వంలో తెరకెక్కుతున్న ఈ చిత్రాన్ని దిల్‌ రాజు సమర్పణలో శ్రీ వెంకటేశ్వర క్రియేషన్స్‌ బ్యానర్‌ పై శిరీష్‌ నిర్మిస్తున్నారు. ఈ సినిమాకి సంబంధించి మ్యూజికల్‌ ప్రమోషన్స్‌లో భాగంగా ఈనెల 22న 'ఆ.. ఆహా.. ఆహా..ఆహా' అంటూ సాగే పాటని చిత్ర బృందం రిలీజ్‌ చేయనుందనే విషయం తెలిసిందే. ఈ నేపథ్యాన్ని పురస్కరించుకుని మంగళవారం విడుదల చేసిన ఈ సాంగ్‌ ప్రోమో అందర్నీ విశేషంగా అలరించి, క్షణాల్లో వైరల్‌గా మారిందని చిత్రయూనిట్‌ తెలిపింది. ''ఊ(.. ఆ.. ఆహా.. ఆహా..ఆహా' పాట ప్రోమోకి మంచి ఆదరణ లభించింది. కలర్‌ఫుల్‌గా, గ్లామరస్‌గా డిజైన్‌ చేసిన ఈ ప్రోమో క్షణాల్లో వైరల్‌గా మారింది. విడుదల చేసిన కొద్దిసేపటికే మిలియన్‌ వ్యూస్‌ని సొంతం చేసుకుంది. వెంకటేష్‌, వరుణ్‌ తేజ్‌, తమన్నా, మెహ్రీన్‌ ..ఈ ప్రోమోలో జోష్ ఫుల్‌ మాసీ డ్యాన్సులతో సందడి చేస్తూ కనిపించారు. దేవిశ్రీ ప్రసాద్‌ ఈ పాట కోసం మరో చార్ట్‌ బస్టర్‌ ట్యూన్‌ కంపోజ్‌ చేశారని ప్రోమో చూస్తే అర్థమవుతంది. ప్రోమో చివర్లో సునీల్‌ తన ట్రేడ్‌ మార్క్‌ స్టెప్‌తో కనిపించడం పాటపై ఇంకా ఆసక్తిని పెంచింది. ఈనెల 22న పూర్తి పాటని రిలీజ్‌ చేసేందుకు మేకర్స్‌ సన్నాహాలు చేస్తున్నారు. 'రాజేంద్ర ప్రసాద్‌, సునీల్‌ ఈ చిత్రంలో ఇతర కీలక పాత్రలలో నటిస్తుండగా, అగ్ర కథానాయిక పూజా హెగ్డే పార్టీ సాంగ్‌లో సందడి చేయనుంది. ఇటీవల విడుదల చేసిన 'ఎఫ్‌3' థీమ్‌ సాంగ్‌కి మంచి ఆదరణ లభించింది. ప్రేక్షకులకు నవ్వులు పంచడానికి మే 27న ఈ చిత్రాన్ని ప్రపంచవ్యాప్తంగా భారీగా విడుదల చేసేందుకు మేకర్స్‌ ప్లాన్‌ చేేస్తున్నారు' అని చిత్ర బృందం తెలిపింది.
