అఖిల్‌ భవ్య క్రియేషన్స్‌ బ్యానర్‌ పై సంపత్‌ కుమార్‌ దర్శకత్వం వహించి, నటించిన చిత్రం 'సురాపానం' ( కిక్‌ అండ్‌ ఫన్ ). ఈ సినిమా టీజర్‌ని దర్శకులు సాగర్‌ కె చంద్ర గురువారం లాంచ్‌ చేశారు. ఈ సందర్బంగా ఆయన మాట్లాడుతూ 'సురాపానం ( కిక్‌ అండ్‌ ఫన్ ) టైటిల్‌కి తగ్గట్టుగా సినిమా టీజర్‌ కూడా చాలా అద్భుతంగా ఉంది. ఈ సినిమా ప్రేక్షకుల్ని ఖచ్చితంగా ఆకట్టుకుంటుంది. మంచి థ్రిల్‌తో పాటు వినోదాన్ని కూడా అందిస్తుంది' అని తెలిపారు.
'ఫాంటసీ థ్రిల్లర్‌, కంప్లీట్‌ కామెడీ ఎంటర్టైనర్‌ ఇది. తెలుగు తెర పై మొదటి సారిగా సరికొత్త కథాంశంతో వస్తున్న చిత్రమిది. ఈ సినిమా ప్రేక్షకులకు ఒక సరికొత్త అనుభూతిని ఇస్తుంది. ప్రస్తుతం సినిమా సెన్సార్‌ కార్యక్రమాల్లో ఉంది. మే చివరి వారంలో సినిమాని విడుదల చేసేందుకు సన్నాహాలు చేస్తున్నాం' అని చిత్ర దర్శకుడు, హీరో సంపత్‌ కుమార్‌ చెప్పారు.
సంపత్‌ కుమార్‌, ప్రగ్యా నయన్‌ నాయకానాయికలుగా నటించగా, ప్రధాన పాత్రలను అజరు ఘోష్‌, సూర్య , ఫిష్‌ వెంకట్‌ , మీసాల లక్ష్మణ్‌ , చమ్మక్‌ చంద్ర, సురభి ప్రభావతి, త్రిపుర పోషించారు. టీజర్‌ లాంచ్‌ కార్యక్రమంలో మట్ట మధు యాదవ్‌, మట్ట రాజు యాదవ్‌, సంపత్‌ కుమార్‌తో పాటు మీసాల లక్ష్మణ్‌, విద్యాసాగర్‌, గిరి పోతరాజు, ప్రణరు వంగరి తదితరులు పాల్గొని చిత్ర విజయాన్ని ఆకాంక్షించారు.
