భారతదేశపు మొట్టమొదటి సూపర్‌ గర్ల్‌ మూవీ 'ఇంద్రాణి'. ఈ సినిమా షూటింగ్‌ ప్రస్తుతం హైదరాబాద్, పరిసర ప్రాంతాల్లో శరవేగంగా జరుగుతోంది. వినూత్న తరహాలో భారీ వీఎఫ్‌ఎక్స్‌తో తెరకెక్కుతున్న ఈ చిత్రం ద్వారా స్టీఫెన్‌ దర్శకుడిగా పరిచయం అవుతున్నారు. స్టాన్లీ సుమన్‌ బాబు ఎగ్జిక్యూటివ్‌ ప్రొడ్యూసర్‌గా వ్యవహరిస్తున్నారు.
యానియా భరద్వాజ్‌, కబీర్‌ దుహాన్‌ సింగ్‌ ప్రధాన పాత్రల్లో నటిస్తున్న ఈ చిత్రాన్ని అక్టోబర్‌ 27న ప్రపంచవ్యాప్తంగా తెలుగు, తమిళం, హిందీ, కన్నడ, మలయాళ భాషల్లో రిలీజ్‌ చేయడానికి ప్లాన్‌ చేస్తున్నారు. '2 సంవత్సరాలకు పైగా జరిపిన ప్రీ-ప్రొడక్షన్‌ వర్క్‌, డీటైల్డ్‌ యాక్షన్‌ కొరియోగ్రఫీ, ప్రీ-విజువలైజేషన్‌తో పాటు పక్కా ప్లానింగ్‌ సినిమాను మరింత వేగంగా చిత్రీకరించ డానికి ఎంతగానో ఉపయోగపడుతున్నాయి. వీఎఫ్‌ఎక్స్‌, ఎడిటింగ్‌ పనులు ఇప్పటికే ఆరంభమయ్యాయి. అలాగే మరో పక్క షూటింగ్‌ని కూడా నిర్వహిస్తున్నాం. యాక్షన్‌ సన్నివేశాలను చిత్రీకరిస్తున్నప్పుడు లీడ్‌ యాక్టర్స్‌ డెడికేషన్‌, రిస్క్‌ చూసి స్టన్‌ అయ్యాను. భారతీయ చరిత్రలో మహిళలు ఇంత పెద్ద స్థాయిలో రోప్‌ షాట్స్‌, ఎంతో రిస్క్‌తో కూడిన కత్తులను ఉపయోగించి విన్యాసాలు చేసిన తొలి చిత్రమిది. రీసెంట్‌గా విడుదల చేసిన పార్ట్‌ 1 మేకింగ్‌ వీడియోకి సూపర్‌ రెస్పాన్స్‌ వచ్చింది. అంతేకాకుండా సినిమాపై అందరిలోనూ మరింత ఆసక్తిని క్రియేట్‌ చేసింది. రాబోయే వీడియోల్లో మరిన్ని అద్భుతమైన యాక్షన్‌ స్టంట్‌లను విడుదల చేస్తాం. ఇది మొదటి మహిళా యాంటీ గ్రావిటీ, జీరో-గ్రావిటీ ఫిల్మ్ కూడా' అని దర్శకుడు స్టీఫెన్‌ తెలిపారు. ఈ చిత్రానికి మ్యూజిక్: సాయి కార్తిక్‌, డిఓపి: చరణ్‌ మాధవ నేని, ఎడిటర్‌: ఎస్‌.బి ఉద్దవ్‌, యాక్షన్‌ డైరెక్టర్‌: ప్రేమ్‌ సన్‌, ఆర్ట్‌ డైరెక్టర్‌: రవి కుమార్‌ గుర్రం.
