వెంకటేష్‌, వరుణ్‌ తేజ్‌, తమన్నా, మెహరీన్‌, సోనాల్‌ చౌహాన్‌, అనిల్‌ రావిపూడి కాంబినేషన్‌లో రూపొందుతున్న చిత్రం 'ఎఫ్‌3'. విశేష ప్రేక్షకాదరణతో బ్లాక్‌బస్టర్‌ హిట్‌ సాధించిన 'ఎఫ్‌2' ఫ్రాంచైజీ నుంచి శ్రీ వెంకటేశ్వర క్రియేషన్స్‌ బ్యానర్‌ ప్రతిష్టాత్మకంగా ఈ చిత్రాన్ని తెరకెక్కిస్తోంది. నిర్మాత దిల్‌ రాజు సమర్పణలో శిరీష్‌ ఈ చిత్రాన్ని నిర్మిస్తున్నారు. లేటెస్ట్‌గా ఈ చిత్రం నుంచి 'వూ..ఆ... ఆహా..' అంటూ సాగే పాటను విడుదల చేశారు. దీనికి విశేష స్పందన లభిస్తున్న నేపథ్యాన్ని పురస్కరించుకుని మేకర్స్‌ సంతోషం వ్యక్తం చేశారు.
ఈ సందర్భంగా చిత్ర బృందం మాట్లాడుతూ,'రాక్‌స్టార్‌ దేవి శ్రీ ప్రసాద్‌ అత్యద్భుతమైన మ్యూజిక్ అందించారు. ఇప్పటికే ఈ చిత్రం నుంచి విడుదలైన 'ఎఫ్‌3' థీమ్‌ సాంగ్‌ చార్ట్‌ బస్టర్‌గా నిలిచింది. సినిమా ప్రధాన తారాగణం అంతా కనిపించిన ఈ పాట కోసం దేవి ఎనర్జిటిక్‌ ట్యూన్‌ నికంపోజ్‌ చేశారు. సినిమా మ్యూజికల్‌ ప్రమోషన్‌లో భాగంగా శనివారం రిలీజ్‌ చేసిన సెకెండ్‌ సింగిల్‌ 'వూ.. ఆ.. ఆహా.. ఆహా..ఆహా' పాటకి టెర్రిఫిక్‌ రెస్పాన్స్‌ వస్తోంది. ఈ పాట కోసం కూడా దేవిశ్రీ ప్రసాద్‌ డిఫరెంట్‌ క్యాచి ట్యూన్‌ని కంపోజ్‌ చేశారు. వినగానే హుషారుగా డ్యాన్స్‌ చేయాలనిపించే విధంగా పాటని డిజైన్‌ చేశారు. తమన్నా, మెహ్రీన్‌ గ్లామర్‌ అండ్‌ స్పైసీ డ్యాన్స్‌తో కనువిందు చేశారు. చీరలో సొగసుగా కనిపించి వెస్ట్రన్‌ అవుట్‌ ఫిట్‌లో సూపర్‌ హాట్‌గా కథానాయకులతో కెమిస్ట్రీ అదరగొట్టారు. మూడో హీరోయిన్‌గా నటిస్తున్న సోనాల్‌ చౌహాన్‌ కూడా ఈ పాటలో అలరించింది. సునీల్‌ డ్యాన్సులు ఈ పాటకు అదనపు ఆకర్షణగా నిలిచాయి. ఈ వీడియోలో పాటని చిత్రీకరిస్తున్నపుడు దర్శకులు కె రాఘవేంద్రరావు, అగ్ర కథానాయకుడు అల్లు అర్జున్ సెట్స్‌కు విచ్చేసిన విజువల్స్‌ను కూడా చూపించారు. ఈ పాటకు శేఖర్‌ విజే అద్భుతమైన కొరియోగ్రఫీ అందించారు. దేవిశ్రీ తన రాకింగ్‌ కంపోజింగ్‌తో ఈ పాట కూడా ఇన్‌స్టంట్‌ చార్ట్‌బస్టర్‌గా నిలిచింది. పాటని ఎప్పుడెప్పుడు వెండితెర చూడాలా అనే ఆసక్తిని అందరిలోనూ పెంచింది. రాజేంద్ర ప్రసాద్‌, సునీల్‌ ఈ చిత్రంలో ఇతర కీలక పాత్రల్లో నటిస్తుండగా, స్టార్‌ హీరోయిన్‌ పూజా హెగ్డే పార్టీ సాంగ్‌లో సందడి చేయనుంది. ప్రేక్షకులకు నవ్వులు పంచడానికి మే 27న ఈ చిత్రాన్ని ప్రపంచవ్యాప్తంగా భారీగా విడుదల చేసేందుకు మేకర్స్‌ రంగం సిద్ధం చేశారు' అని తెలిపారు.
