'జీవితంలో ఒక్క సినిమాలోనైనా నటిం చాలని కోరుకునే వ్యక్తి ముత్తయ్య. అతని కోరిక నెరవేరిందా లేదా అనే ఆసక్తిని కలిగిస్తూ సాగింది 'ముత్తయ్య' సినిమా టీజర్‌. ఈ టీజర్‌ను యువ కథానాయకుడు నాని శనివారం విడుదల చేశారు. '24 ఏళ్ల వయసులో నాకు 'అష్టా చమ్మా' సినిమాలో అవకాశం రాకపోతే 70 ఏళ్లకు నేనూ ముత్తయ్య లాగే అయ్యేవాడిని. టీజర్‌ మనసుకు హత్తుకుంది. చిత్ర బందానికి ఆల్‌ ద బెస్ట్‌' అని చెప్పారు. కె సుధాకర్‌ రెడ్డి, అరుణ రాజ్‌, మౌనిక బొమ్మ, పూర్ణ చంద్ర తదితరులు ప్రధాన పాత్రల్లో నటించిన ఈ సినిమాను హైలైఫ్‌ ఎంటర్‌ టైన్‌మెంట్స్‌ ప్రైవేట్‌ లిమిటెడ్‌, ఫిక్షనరీ ఎంటర్‌టైన్‌ మెంట్‌ బ్యానర్స్‌ పై కేదార్‌ సెలగంశెట్టి, వంశీ కారుమంచి సమర్పణలో వ్రిందా ప్రసాద్‌ నిర్మించారు. భాస్కర్‌ మౌర్య దర్శకుడు. యూకే ఏషియన్‌ ఫిల్మ్ ఫెస్టివల్‌కు అఫీషియల్‌ ఎంట్రీగా ఎంపికైన తొలి తెలుగు సినిమాగా రికార్డ్‌ సష్టించిందీ చిత్రం. అలాగే ఈనెల 9న లండన్‌లోని రిచ్‌ మిక్స్‌లోనూ ప్రీమియర్‌ కానుంది.
ఈ సందర్భంగా చిత్ర సమర్పకులు కేదార్‌ సెలగం శెట్టి, వంశీ కారుమంచి మాట్లాడుతూ, 'ప్రేక్షకులకు గొప్ప అనుభూతిని పంచే సినిమా అవుతుంది' అని అన్నారు. 'జీవితంలో ఏదైనా సాధించాలని కలగనే ప్రతి ఒక్కరూ ముత్తయ్యలో కనిపిస్తారు. అలాంటి వారి భావోద్వేగాలను దర్శకుడు భాస్కర్‌ మౌర్య ఆకట్టుకునేలా తెరకెక్కించాడు' అని నిర్మాత వ్రిందా ప్రసాద్‌ తెలిపారు. దర్శకుడు భాస్కర్‌ మార్య మాట్లాడుతూ, 'తమ కలలను సాకారం చేసుకోవాలని ప్రయత్నించే ఎంతోమంది వ్యక్తుల ఆరాటానికి ప్రతిబింబం ఈ సినిమా. అలాంటి వాళ్ల నుంచి స్ఫూర్తి పొందే ఈ కథ రాసుకున్నాను' అని అన్నారు.
టి సాయి లీల, జయవర్థన్‌ సాగర్‌, కిరణ్‌ కుమార్‌ తదితరులు ఇతర పాత్రల్లో నటించిన ఈ చిత్రానికి సినిమాటోగ్రఫీ - దివాకర్‌ మణి, సంగీతం - కార్తీక్‌ రోడ్రిగ్వజ్‌, ఎడిటర్‌ - సాయి మురళి, సహ నిర్మాత - దివాకర్‌ మణి, రచన దర్శకత్వం - భాస్కర్‌ మౌర్య.
