వెంకటేష్‌, వరుణ్‌ తేజ్‌, అనిల్‌ రావిపూడి, దిల్‌ రాజు వంటి సూపర్‌ హిట్‌ కాంబినేషన్‌లో ప్రేక్షకుల ముందుకు రాబోతున్న భారీ మల్టీస్టారర్‌ 'ఎఫ్‌ 3'.
విశేష ప్రేక్షకాదరణ పొందిన 'ఎఫ్‌2' ఫ్రాంచైజీ నుంచి శ్రీ వెంకటేశ్వర క్రియేషన్స్‌ బ్యానర్‌ ప్రతిష్టాత్మకంగా తెరకెక్కుతున్న చిత్రమిది. దిల్‌ రాజు సమర్పణలో శిరీష్‌ నిర్మిస్తున్న ఈ ప్రతిష్టాత్మక చిత్రంపై ప్రేక్షకుల్లో భారీ అంచనాలు ఉన్నాయి. ఇప్పుడు ఆ అంచనాలను మరింత పెంచడానికి ఈనెల 9న ఈ చిత్ర థియేట్రికల్‌ ట్రైలర్‌ను విడుదల చేసేందుకు మేకర్స్‌ సన్నాహాలు చేస్తున్నారని చిత్ర బృందం తెలిపింది.
'ఈ చిత్రానికి సంబంధించి ఇప్పటి వరకు విడుదల చేసిన ప్రమోషనల్‌ కంటెంట్‌ సినిమాపై బిగ్‌ బజ్‌ని క్రియేట్‌ చేసింది. మేకర్స్‌ ఈసారి టీజర్‌ను విడుదల చేయడం లేదు. నేరుగా ట్రైలర్‌ను రిలీజ్‌ చేస్తున్నారు. ఈ ఫన్ రైడ్‌ ట్రైలర్‌ ఎలా ఉంటుందో చూడాలంటే మరో వారం రోజులు వేచి ఉండాల్సిందే. దేవి శ్రీ ప్రసాద్‌ సంగీత దర్శకత్వంలో ఇప్పటికే ఈ చిత్రం నుంచి విడుదలైన 'ఎఫ్‌3' థీమ్‌ సాంగ్‌ చార్ట్‌ బస్టర్‌గా నిలిచింది. సినిమా ప్రధాన తారాగణం అంతా కనిపించిన ఈ పాట కోసం దేవి ఎనర్జిటిక్‌ ట్యూన్‌ని కంపోజ్‌ చేశారు. సినిమా మ్యూజికల్‌ ప్రమోషన్స్‌లో భాగంగా వచ్చిన రెండో పాట 'వూ.. ఆ.. ఆహా.. ఆహా..ఆహా' కూడా అన్ని వర్గాల ప్రేక్షకులను అలరించి, ట్రెండింగ్‌లో ఉంది. ప్రేక్షకులకు రెట్టింపు వినోదంతో నవ్వులు పంచడానికి ఈనెల 27న ఈ చిత్రం ప్రపంచవ్యాప్తంగా భారీ విడుదలకు సిద్ధమైంది' అని చిత్ర యూనిట్‌ పేర్కొంది.
తమన్నా, మెహ్రీన్‌ పిర్జాదా, సోనాల్‌ చౌహాన్‌ కథానాయికలుగా నటిస్తున్న ఈ చిత్రంలో స్టార్‌ హీరోయిన్‌ పూజా హెగ్డే స్పెషల్‌ పార్టీ సాంగ్‌లో సందడి చేయనుంది. రాజేంద్ర ప్రసాద్‌, సునీల్‌ కీలక పాత్రల్లో కనిపించనున్నారు.
ఈ చిత్రానికి దర్శకత్వం: అనిల్‌ రావిపూడి, సమర్పణ: దిల్‌ రాజు, నిర్మాత : శిరీష్‌, సహ నిర్మాత: హర్షిత్‌ రెడ్డి, డీఓపీ : సాయి శ్రీరామ్‌, ఆర్ట్‌ : ఎఎస్‌ ప్రకాష్‌, ఎడిటర్‌ : తమ్మిరాజు, స్క్రిప్ట్‌ కోఆర్డినేటర్‌ : ఎస్‌ కష్ణ, అడిషనల్‌ స్క్రీన్‌ ప్లే: ఆది నారాయణ, నారా ప్రవీణ్‌.
