ఇండియన్‌ మైఖేల్‌ జాక్సన్‌గా పేరొందిన ప్రభుదేవా డాన్స్‌ గురించి వేరే చెప్పక్కర్లేదు. ఆయన చాలా గ్యాప్‌ తర్వాత మరోమారు తెలుగు సినిమాల పాటలకు కొరియోగ్రఫీ అందిస్తున్నారు. లేటెస్ట్‌గా మంచు విష్ణు సినిమా కోసం ఆయన ఓ పాటకు అత్యద్భుతమైన కొరియోగఫ్రీ అందిస్తున్నారని చిత్ర బృందం బుధవారం అధికారికంగా తెలిపింది.
డా. మంచు మోహన్‌ బాబు ఆశీస్సులతో అవ ఎంటర్‌ టైన్‌ మెంట్స్‌ బ్యానర్‌లో విష్ణు మంచు హీరోగా 'గాలి నాగేశ్వరరావు' సినిమా తెరకెక్కుతున్న విషయం విదితమే. ఈషాన్‌ సూర్య దర్శకత్వంలో ఈ సినిమా షూటింగ్‌ శరవేగంగా జరుగుతోంది. ప్రస్తుతం రామోజీ ఫిలిం సిటీలో ఈ సినిమాకి సంబంధించి ఓ పాట చిత్రీకరణ జరుగుతోంది. ఇండియన్‌ మైఖేల్‌ జాక్సన్‌ ప్రభుదేవా కొరియోగ్రఫీ అందిస్తున్నారు. అదే ఈ పాటకు ఉన్న స్పెషాలిటీ. విష్ణు మంచు, పాయల్‌ రాజ్‌ ఫుత్‌ కాంబినేషన్‌లో తెరకెక్కుతున్న పాటకు ప్రభుదేవా కొరియోగ్రఫీ అందిస్తుండటం విశేషం. ఈ పాట సినిమాకి హైలైట్‌ అవుతుందనే నమ్మకంతో మేకర్స్‌ ఉన్నారు.
'ఇప్పటికే ఈ సినిమాలో విష్ణు మంచు నటిస్తున్న 'గాలి నాగేశ్వరరావు' క్యారెక్టర్‌ పై భారీ అంచనాలు నెలకొన్నాయి. ఇంటర్నేషనల్‌ సెన్సేషన్‌ సన్నీలియోన్‌ రేణుకగా, పాయల్‌ పాజ్‌ ఫుత్‌ స్వాతిగా కీలక పాత్రలు చేస్తున్నారు. ఈ సినిమాకి కథ, స్క్రీన్‌ ప్లేతో పాటు క్రియేటివ్‌ ప్రొడ్యూసర్‌గా కోన వెంకట్‌ వ్యవహరిస్తున్నారు. చోటా.కె.నాయుడు సినిమాటోగ్రఫీ, భాను, నందు డైలాగ్స్‌ అందిస్తున్న ఈ సినిమాకి అనూప్‌ రూబెన్స్‌ సంగీతం సమకూర్చుతున్నారు. జి.నాగేశ్వరరెడ్డి మూల కథ అందించారు. మంచు విష్ణు కెరీర్‌లో ఇదొక భిన్నమైన సినిమా. కచ్చితంగా హిట్‌ అవుతుంది' అని చిత్ర బృందం తెలిపింది.
