'రావణాసురుడు', 'డెవిల్‌' వంటి భారీ బడ్జెట్‌ ఎంటర్‌టైనర్‌లతో పాటు కంటెంట్‌ ఓరియెంటెడ్‌ చిత్రాలకీ నిర్మాత అభిషేక్‌ నామా ప్రాధాన్యత ఇస్తున్నారు. ఆయన బ్యానర్‌ అభిషేక్‌ పిక్చర్స్‌ నుండి తాజాగా ప్రొడక్షన్‌ వెంచర్‌ అమోఘ ఆర్ట్స్‌, ఎమ్‌ఎన్‌ఓపి కలిసి నిర్మిస్తున్న చిత్రానికి 'ఇడియట్స్‌' అనే క్రేజీ టైటిల్‌ని ఖారారు చేశారు. 'రియల్‌ హీరోస్‌' అనేది ఉప శీర్షిక. ఆదిత్య హాసన్‌ దర్శకత్వం వహిస్తున్న ఈ సినిమా ఫస్ట్‌ లుక్‌ పోస్టర్‌ శుక్రవారం విడుదలైంది.
కలర్స్‌ స్వాతి రెడ్డి ప్రధాన పాత్రలో నటిస్తున్నారు. తెలంగాణ పల్లెటూరి నేపథ్యంలో వినోదాత్మక అంశాలతో సాగే స్వచ్చమైన ప్రేమకథగా ఈ సినిమా ఉండబోతుందని చిత్ర బృందం తెలిపింది.
ఈ చిత్రానికి నవీన్‌ మేడారం షో రన్నర్‌గా వ్యవహరిస్తుండగా, సిద్దార్థ్‌ సదాశివుని సంగీత దర్శకుడిగా, అజీమ్‌ మహ్మద్‌ సినిమాటోగ్రాఫర్‌ గా, అరుణ్‌ తాచోత్‌ ఎడిటర్‌గా పని చేస్తున్నారు.
నిఖిల్‌ దేవాదుల, సిద్ధార్థ్‌ శర్మ, శ్రీ హర్ష, నిత్య శ్రీ, సురేష్‌, రాజేంధర్‌ గౌడ్‌ తదితరులు కీలక పాత్రలు పోషిస్తున్నారు. ఈ చిత్రానికి ఆర్ట్‌ డైరెక్టర్‌: టిపోజీ దివ్య, సాహిత్యం: కందికొండ, కాస్ట్యూమ్‌ డిజైనర్‌: రేఖ బొగ్గరపు, లైన్‌ ప్రొడ్యూసర్‌: వినోద్‌ నాగుల, ఎగ్జిక్యూటివ్‌ ప్రొడ్యూసర్‌: షర్వీన్‌ బన్ను మేడారం, సహ నిర్మాత: రాజేశ్వర్‌ బొంపల్లి, సీఈఓ: పోతిని వాసు.
