ఎటిర్నిటి ఎంటర్‌టైన్‌మెంట్‌, అహం అస్మి ఫిల్మ్స్‌ బ్యానర్లపై గౌరీశ్‌ యేలేటి, రోషిణి, ప్రాచీ ఠక్కర్‌ హీరోహీరోయిన్లుగా రూపొందు తున్న చిత్రం 'ఓ కల'. దీపక్‌ కొలిపాక దర్శకత్వంలో లక్ష్మీ నవ్య మోతూరు, రంజిత్‌ కుమార్‌ కొడాలి, అదిత్య రెడ్డి నిర్మిస్తున్న చిత్రమిది. ఈ చిత్ర ఫస్ట్‌ లుక్‌ను శనివారం ప్రసాద్‌ ల్యాబ్స్‌లో అగ్ర దర్శకుడు ఎస్‌.ఎస్‌. రాజమౌళి విడుదల చేశారు.
ఈ సందర్భంగా ఆయన మాట్లాడుతూ, 'ఈ చిత్ర ఫస్ట్‌ లుక్‌ చాలా ఆకర్షణీయంగా ఉంది. ఇందులోనే సినిమా ఎలా ఉండబోతుందో అర్థమవుతుంది. దర్శకుడు దీపక్‌ కొలిపాక ఈ చిత్రాన్ని అద్భుతంగా తెరకెక్కిస్తున్నారని భావిస్తున్నాను. సినిమా అనేది ప్రతి ఒక్కరి కల. ఈ చిత్రంతో మీరంతా ఆ కలను నెరవేర్చుకున్నారు. ఇంకా ఎందరో ఈ కలతో బతుకుతున్నారు. గట్టిగా కషితే చేస్తే అలాంటి వారందరి కల నెరవేరుతుంది.ఈ సినిమా మంచి విజయం సాధించాలని ఆశిస్తున్నాను' అని తెలిపారు. 'తెలుగు సినిమాకి ప్రపంచ స్థాయి గుర్తింపు తీసుకువచ్చిన రాజమౌళిగారి చేతుల మీదుగా ఫస్ట్‌ లుక్‌ విడుదల అవ్వడం నిజంగా ఎంతో సంతోషంగా ఉంది. ఆయన ఆశీస్సులు మాకు ఎంతో బలాన్నిచ్చాయి. ఒక మంచి కథని తెలుగు ప్రేక్షకులకు చెప్పే అవకాశం ఇచ్చిన నిర్మాతలకు ధన్యవాదాలు. వారిచ్చిన ప్రోత్సాహం మరువలేనిది. అవుట్‌ అండ్‌ అవుట్‌ ఫ్యామిలీ ఎంటర్‌టైనర్‌ ఇది. అన్ని వర్గాల ప్రేక్షకులకు నచ్చే సినిమా' అని దర్శకుడు దీపక్‌ కొలిపాక అన్నారు.
'హిట్‌' సినిమా దర్శకుడు శైలేష్‌ కొలనుతో పాటు చిత్రయూనిట్‌ ఈ వేడుకలో పాల్గొని చిత్ర విజయాన్ని ఆకాంక్షించారు.
అలీ, వైవా రాఘవ్‌, దేవి ప్రసాద్‌, శక్తి, రవితేజ తదితరులు నటిస్తున్న ఈ చిత్రానికి సినిమాటోగ్రఫీ: అఖిల్‌ వల్లూరి, సంగీతం: నీలేష్‌ మందలపు, ఎడిటర్‌: సత్య గిడుటూరి.
