కిరణ్‌, రంజిత్‌, సజ్జన్‌, అఖిల్‌ రామ్‌, లావణ్య రెడ్డి, కీర్తి ప్రధాన పాత్రలలో తెరకెక్కుతున్న చిత్రం 'హరికథ'.
ఐరావత సినీ కలర్స్‌ బ్యానర్‌ పై రంజిత్‌ కుమార్‌ గౌడ్‌, వివేకా నంద, రఘు , కవిత సంయుక్తంగా నిర్మిస్తున్న ఈ చిత్రానికి అనుదీప్‌ రెడ్డి దర్శకుడు. ఫా˜్యమిలీ ఎంటర్‌ టైనర్‌గా తెరకెక్కుతున్న ఈ చిత్ర ఫస్ట్‌ లుక్‌ పోస్టర్‌ను సినిమాటోగ్రఫీ మినిస్టర్‌ తలసాని శ్రీనివాస్‌ యాదవ్‌ విడుదల చేసి, చిత్ర యూనిట్‌కి అభినందనలు తెలిపారు. ఈ సందర్భంగా దర్శకుడు అనుదీప్‌ రెడ్డి మాట్లాడుతూ, 'ఇదొక వినూత్నమైన సినిమా. అన్ని వర్గాలకు నచ్చే కుటుంబ, ప్రేమ కథా చిత్రం. ఎక్కడా రాజీ పడకుండా అందరికీ నచ్చేలా తీర్చిదిద్దిన చిత్రం. మా సినిమాకి సపోర్ట్‌ చేసిన అందరికి కతజ్ఞతలు. ఫస్ట్‌లుక్‌ పోస్టర్‌ని విడుదల చేసిన మంత్రి తలసాని గారికి ప్రత్యేక ధన్యవాదాలు' అని తెలిపారు. 'దర్శకుడు చెప్పిన కథ బాగా నచ్చి ఈ సినిమా చేశాం. కుటుంబ సమేతంగా చూడదగ్గ అంశాలన్నీ ఈ చిత్రంలో ఉన్నాయి. అవుట్‌ఫుట్‌ చాలా బాగా వచ్చింది. నటీనటులందరూ ఎంతో బాగా నటించారు. త్వరలోనే విడుదల తేదీతో ప్రేక్షకుల ముందుకు వస్తాం' అని నిర్మాతలు చెప్పారు. ఈ చిత్రానికి సంగీతం : మహావీర్‌, సినిమాటోగ్రఫీ: మస్తాన్‌ షరీఫ్‌, ఎడిటర్‌ : బొంతల నాగేశ్వర్‌రెడ్డి.
