సందీప్‌ కిషన్‌ హీరోగా వి.ఐ.ఆనంద్‌ దర్శకత్వంలో ఓ డిఫరెంట్‌ ఫాంటసీ చిత్రం తెరకెక్కుతున్న విషయం తెలిసిందే. ఎకె ఎంటర్‌టైన్‌మెంట్స్‌ బ్యానర్‌పై అనిల్‌ సుంకర సమర్పణలో, సందీప్‌ కిషన్‌ 28వ చిత్రంగా రూపుదిద్దుకుంటున్న ఈ చిత్రాన్ని హాస్య మూవీస్‌ బ్యానర్‌పై రాజేష్‌ దండా నిర్మిస్తున్నారు.
బాలాజీ గుత్తా సహ నిర్మాతగా వ్యవహరిస్తున్న ఈ సినిమా చిత్రీకరణ శరవేగంగా జరుగుతోంది.
శనివారం హీరో సందీప్‌ కిషన్‌ పుట్టినరోజు సందర్భంగా శుభాకాంక్షలు తెలుపుతూ, సినిమా టైటిల్‌, ఫస్ట్‌ లుక్‌తో పాటు మేకింగ్‌ వీడియోను చిత్ర బందం విడుదల చేసింది. 'ఈ చిత్రానికి 'ఊరు పేరు భైరవకోన' అనే ఆసక్తికరమైన టైటిల్‌ను ఖరారు చేశారు. ఫస్ట్‌ లుక్‌ పోస్టర్‌లో ఒక ఫాంటసీ ప్రపంచాన్ని చూపించారు.ఈ పోస్టర్‌తో దర్శకుడు విఐ ఆనంద్‌ తన మార్క్‌ని మరోమారు చూపించి ప్రాజెక్ట్‌పై మరింత ఆసక్తిని పెంచారు. మేకింగ్‌ వీడియో విజువల్స్‌ గ్రిప్పింగ్‌గా ఉన్నాయి. సందీప్‌ కిషన్‌ లుక్స్‌ ఆకట్టుకున్నాయి. వంటినిండా మంటలతో ఓ వ్యక్తి నీళ్ళలోకి దూకుతున్న సీక్వెన్స్‌ టెర్రిఫిక్‌గా ఉంది. నేపధ్య సంగీతం ఉత్కంఠని రేకెత్తించింది' అని చిత్ర బృందం తెలిపింది.
సందీప్‌ కిషన్‌, కావ్య థాపర్‌, వర్ష బొల్లమ్మ నాయకానాయికలుగా నటిస్తున్న ఈ చిత్రానికి సంగీతం: శేఖర్‌ చంద్ర, డీవోపీ: రాజ్‌ తోట, ఎడిటర్‌: ఛోటా కె ప్రసాద్‌, ఆర్ట్‌ డైరెక్టర్‌: ఎ.రామాంజనేయులు, డైలాగ్స్‌: భాను భోగవరపు, నందు సవిరిగాన.
