నితిన్‌ కథానాయకుడిగా ఎంఎస్‌ రాజశేఖర్‌ రెడ్డి దర్శకత్వంలో తెరకెక్కుతున్న పక్కా మాస్‌, కమర్షియల్‌ ఎంటర్‌టైనర్‌ 'మాచర్ల నియోజకవర్గం'. శ్రేష్ట్‌ మూవీస్‌ బ్యానర్‌పై సుధాకర్‌ రెడ్డి, నికితారెడ్డి నిర్మిస్తున్న ఈ చిత్రంలో సిద్ధార్థ్‌ రెడ్డి అనే ఐఏఎస్‌ ఆఫీసర్‌ పాత్రలో నితిన్‌ కనిపించబోతున్నారు. ఈ చిత్రాన్ని రాజ్‌కుమార్‌ ఆకెళ్ల సమర్పిస్తున్నారు.
ఈ చిత్రాన్ని ముందుగా జూలై 8న విడుదల చేసేందుకు ప్లాన్‌ చేశారు. అయితే కొన్ని పనులు పెండింగ్‌లో ఉండటంతో సినిమా వాయిదా పడింది. ఇప్పుడు ఈ చిత్రానికి కొత్త విడుదల తేది ఖరారైయింది. ఆగస్ట్‌ 12న ప్రపంచ వ్యాప్తంగా గ్రాండ్‌గా ఈ సినిమా ప్రేక్షకుల ముందుకు రానుంది. ఆగస్ట్‌ 15 ఇండిపెండెన్స్‌ డే అకేషన్‌ కూడా ఈ చిత్రానికి ప్లస్ కానుంది. ఈ సందర్భంగా విడుదల చేసిన రిలీజ్‌ డేట్‌ ఎనౌన్స్‌ మెంట్‌ పోస్టర్‌లో నితిన్‌ లుక్‌ అందర్నీ ఆకట్టుకుంది. స్టయిలీష్‌గా కనిపిస్తూనే మాస్‌ యాక్షన్‌ లుక్స్‌తో దూకుడు చూపించారు నితిన్‌. ప్రస్తుతం ఈ చిత్రంలోని పాటలను ఇటలీ, ఆస్ట్రియాలోని అందమైన ప్రదేశాలలో చిత్రీకరిస్తున్నారు. నితిన్‌ పుట్టినరోజు సందర్భంగా ఇప్పటికే విడుదలైన ఈ సినిమా ఫస్ట్‌ లుక్‌ , టీజర్‌కు భారీ రెస్పాన్స్‌ వచ్చింది. పోస్టర్‌, టీజర్‌ వీడియోలో నితిన్‌ మునుపెన్నడూ లేని విధంగా డిఫరెంట్‌ యాక్షన్‌ లుక్‌తో మెస్మరైజ్‌ చేశారు. పొలిటికల్‌ థ్రిల్లర్‌ నేపథ్యంలో అవుట్‌ అండ్‌ అవుట్‌ కమర్షియల్‌ ఎంటర్‌టైనర్‌గా తెరకెక్కుతున్న ఈ సినిమాలో నితిన్‌ సరసన కతి శెట్టి, కేథరిన్‌ థ్రెసా హీరోయిన్లుగా నటిస్తున్నారు.
ఈ చిత్రానికి సంగీతం: మహతి స్వర సాగర్‌, డిఓపీ : ప్రసాద్‌ మూరెళ్ల, ఎడిటర్‌: కోటగిరి వెంకటేశ్వరరావు, డైలాగ్స్‌ : మామిడాల తిరుపతి, ఆర్ట్‌ డైరెక్టర్‌: సాహి సురేష్‌, ఫైట్స్‌: వెంకట్‌, రవివర్మ, అనల్‌ అరసు.
