'మా కథానాయకుడు మహేష్‌ బాబు నటించిన 'సర్కారు వారి పాట'కు ప్రీమియర్‌ షో నుండి, అన్ని వర్గాల ప్రేక్షకుల నుండి బ్లాక్‌ బస్టర్‌ స్పందన రావడం ఆనందంగా ఉంది. ఈ సినిమాతో మహేష్‌ బాబు ప్రభంజనం సృష్టించారు' అని దర్శకుడు పరశురాం అన్నారు.
మహేష్‌ బాబు నటించిన తాజా చిత్రం 'సర్కారు వారి పాట'. మైత్రీ మూవీ మేకర్స్‌, జీఏంబీ ఎంటర్టైన్మెంట్‌, 14 రీల్స్‌ ప్లస్ బ్యానర్లపై నవీన్‌ యెర్నేని, వై. రవిశంకర్‌, రామ్‌ ఆచంట, గోపీచంద్‌ ఆచంట నిర్మించిన ఈ సినిమా గురువారం ప్రేక్షకుల ముందుకు వచ్చి, ఘన విజయం సాధించిన నేపథ్యంలో చిత్ర యూనిట్‌ బ్లాక్‌ బస్టర్‌ మీట్‌ నిర్వహించింది. ఈ సందర్భంగా దర్శకుడు పరశురాం మాట్లాడుతూ, 'మొదటి ఆట నుండే సినిమాకు అన్ని వర్గాల ప్రేక్షకుల నుండి అద్భుతమైన రెస్పాన్స్‌ రావడం ఆనందంగా ఉంది. సూపర్‌ స్టార్‌ ఫ్యాన్స్‌తో పాటు మూవీ లవర్స్‌, ఫ్యామిలీ ఆడియన్స్‌, మాస్‌ , క్లాస్‌ ఇలా అందరికీ ఈ సినిమా బాగా నచ్చింది. మహేష్‌ బాబుగారితో ఇలాంటి అవుట్‌ అండ్‌ అవుట్‌ కమర్షియల్‌ ఎంటర్‌ టైనర్‌ సినిమా అయితే బాగుంటుందని బలంగా నమ్మి సెట్స్‌కి వెళ్ళడం జరిగిందో, ఆ నమ్మకాన్ని నిలబెట్టుకున్నందుకు చాలా ఆనందంగా ఉంది. మార్నింగ్‌ షో నుండి కొనసాగుతున్న ప్రభంజనం అన్ని వర్గాల ప్రేక్షకులకి ఇంకా బలంగా తాకుతుందని నమ్ముతున్నాను. దేశ ప్రజలందరికీ కనెక్ట్‌ అయ్యే కథ ఇది. బ్యాంకింగ్‌ సెక్టార్‌, ఈఎంఐతో ఇబ్బంది పడని మిడిల్‌ క్లాస్‌ మనిషి ఉండరు. అలాంటి పాయింట్‌ని మహేష్‌ బాబు లాంటి సూపర్‌ స్టార్‌తో చెప్పించడం సినిమాకి ప్లస్ అయ్యింది. ఇలాంటి కథ రాయడం రచయితగా, దర్శకుడిగా నాకొక తప్తిని ఇచ్చింది. ఈచిత్రాన్ని ఘన విజయం చేసిన ప్రేక్షకులకు కతజ్ఞతలు' అని చెప్పారు.
నిర్మాత వై. రవిశంకర్‌ మాట్లాడుతూ, 'మా సినిమాకి వస్తున్న స్పందన చూస్తుంటే చాలా ఆనందగా ఉంది. ట్రైలర్‌ చూసి ప్రేక్షకులు ఎంతగా ఎగ్జైట్‌గా ఫీలయ్యారో, సినిమా చూసి అంతకంటే ఎక్కువ ఎగ్జైట్‌ అయ్యారు. ఈ మధ్య కాలంలో ఇంత పండగలాంటి సినిమా మా సినిమానే కావడం గర్వంగా ఉంది. ఇప్పుడంతా పాన్‌ ఇండియా సినిమాలైపోయాయి. తెలుగులో 'సర్కారు వారి పాట' లాంటి పెద్ద సినిమా మళ్ళీ చూడగలమా అంటే సందేహమే. మహేష్‌ బాబు గారు ఈ సినిమాలో నటన పరంగా విజృంభించారు. మేం ఊహించిన దాని కంటే పెద్ద విజయం సాధిస్తుంది' అని అన్నారు.
'సర్కారు వారి పాట' మొదటి షో నుండే బ్లాక్‌ బస్టర్‌ రెస్పాన్స్‌ వచ్చింది. అన్ని వర్గాల ప్రేక్షకులు సినిమా అద్భుతంగా ఉందని సందేషాలు పంపుతున్నారు. ఇంత ఘన విజయం ఇచ్చిన మా హీరో సూపర్‌ స్టార్‌ మహేష్‌ బాబు గారికి, దర్శకుడు పరశురామ్‌కి కతజ్ఞతలు. మా బ్యానర్‌లో బెస్ట్‌ రెస్పాన్స్‌ వచ్చిన మూవీ ఇది. సుదర్శన్‌లో సినిమా చూశాం. ఫ్యాన్స్‌కి సినిమా ఫుల్‌ మీల్స్‌లా ఉంది. ఈ సినిమా ఫస్ట్‌ డే నే కాదు.. ఈ రెండు వారాలూ భారీ కలెక్షన్స్‌ సాధించబోతుంది. యూఎస్‌ ప్రిమియర్‌ మిలియన్‌ డాలర్స్‌ని కలెక్ట్‌ చేసి నాన్‌ ఆర్‌ఆర్‌ఆర్‌ రికార్డులన్నీ క్రాస్‌ చేసింది. అదే స్థాయిలో ఇక్కడ కూడా కలెక్షన్స్‌ కొనసాగుతున్నాయి.
- నిర్మాత నవీన్‌ యెర్నేని
.jpg)
