ప్రతాప్‌ పోతన్‌, అరవింద్‌ కష్ణ, అలీ రెజా, ఊర్వశీరారు ప్రధాన పాత్రల్లో నటిస్తున్న సినిమా 'గ్రే'. (ద స్పై హూ లవ్డ్‌ మి అనే ట్యాగ్‌లైన్‌) అద్వితీయ మూవీస్‌ ప్రై.లి పతాకంపై ప్రొడక్షన్‌ నెం.1గా రాజ్‌ మదిరాజు దర్శకత్వంలో కిరణ్‌ కాళ్లకూరి నిర్మిస్తున్నారు. స్పై థ్రిల్లర్‌గా తెరకెక్కుతున్న ఈ చిత్రం త్వరలోనే ప్రేక్షకుల ముందుకు రానుంది. ఈ సినిమా ప్రమోషన్స్‌లో భాగంగా ట్రైలర్‌ను హైదరాబాద్‌లో జరుగుతున్న ఎలైట్‌ ప్రో బాస్కెట్‌బాల్‌ లీగ్‌లో రిలీజ్‌ చేశారు.
ఈ సందర్భంగా దర్శకుడు రాజ్‌ మదిరాజు మాట్లాడుతూ, 'దాదాపు నాలుగు దశాబ్దాల తర్వాత బ్లాక్‌ అండ్‌ వైట్‌లో రూపొందిన చిత్రం 'గ్రే' అని చెప్పడానికి మా టీమ్‌ అందరం ఎంతో గర్విస్తున్నాం. ట్రైలర్‌ మీ అందరికీ నచ్చిందని ఆశిస్తున్నాను. సినిమా చాలా బాగా వచ్చింది. నాకు ఎంతో సపోర్ట్‌ అందించిన మా హీరో అరవింద్‌ కష్ణకి థ్యాంక్స్‌. తప్పకుండా ప్రేక్షకులందరి సపోర్ట్‌ ఉంటుందని ఆశిస్తున్నాను' అని చెప్పారు. 'నాకు యాక్టింగ్‌తోపాటు బాస్కెట్‌ బాల్‌ అంటే ఎంతో ఇష్టం. నేను నటించిన ఈ సినిమా ట్రైలర్‌ ఎలైట్‌ ప్రో బాస్కెట్‌బాల్‌ లీగ్‌లో రిలీజ్‌ చేయడం చాలా హ్యాపీగా ఉంది. ఈ సినిమా నాకు చాలా స్పెషల్‌. 'ఋషి' సినిమా వచ్చిన పదేళ్ల తర్వాత రాజ్‌ మదిరాజు గారితో మరోసారి వర్క్‌ చేయడం సంతోషంగా ఉంది. ఈ లీగ్‌లో నేను హైదరాబాద్ తరపున ఆడుతున్నాను. 'గ్రే' ఒక అద్భుతమైన సినిమా. తప్పకుండా మీ అందరికీ నచ్చుతుంది' అని హీరో అరవింద్‌ కష్ణ అన్నారు.
హీరోయిన్‌ ఊర్వశిరారు మాట్లాడుతూ, 'ఇదొక డిఫరెంట్‌ స్పై ఫిల్మ్. ఎన్నో ట్విస్టులు, టర్న్స్‌తో పాటు ఒక పవర్‌ఫుల్‌ మెసేజ్‌ కూడా ఉంటుంది' అని తెలిపారు. 'మా అద్వితీయ మూవీస్‌ బ్యానర్‌లో రూపొందిన మొదటి చిత్రం ఇది. ఇదొక మంచి థ్రిల్లర్‌ మూవీ. సినిమా చూశాక చాలా మంది మధుబాబు షాడో నవల తరహాలో అద్భుతంగా ఉందని పొగిడారు. మా టీమ్‌ అందరం సినిమా ఫలితంపై కాన్ఫిడెంట్‌గా ఉన్నాం. ఓ మంచి సినిమాతో ప్రేక్షకుల ముందుకు రాబోతున్నందుకు చాలా ఆనందంగా ఉంది. త్వరలోనే సినిమా రిలీజ్‌ డేట్‌ని ప్రకటిస్తాం' అని నిర్మాత కిరణ్‌ కాళ్లకూరి చెప్పారు. రాజ్‌ మదిరాజు, షాని సాల్మోన్‌, నజియా, సిద్ధార్థ్‌ తదితరులు నటిస్తున్న ఈచిత్రానికి నిర్మాత: కిరణ్‌ కాళ్లకూరి, మాధురి కాళ్లకూరి, సహ నిర్మాత: రాజేష్‌ తోరేటి, రాజా వశిష్ట, శ్రీదేవి కాళ్లకూరి, ఎగ్జిక్యూటివ్‌ ప్రొడ్యూసర్‌: ఉమామహేశ్వర్‌ చదలవాడ, సినిమాటోగ్రాఫర్‌: ఎమ్‌.ఆర్‌.చేతన్‌ కుమార్‌, ఆర్ట్‌ డైరెక్టర్‌: రాజీవ్‌ నాయర్‌, మ్యూజిక్: నాగరాజు తాల్లూరి, ఎడిటర్‌: సత్య గిదుటూరి, యాక్షన్‌: వింగ్‌ చున్‌ అంజి, కాస్ట్యూమ్‌ డిజైనర్‌: హేమంత్‌ సిరి.
