దర్శకేంద్రుడు కె.రాఘవేంద్రరావు సమర్పణలో యునైటెడ్‌ కె ప్రొడక్షన్స్‌ బ్యానర్‌పై సునీల్‌, అనసూయ భరద్వాజ్‌ ప్రధాన పాత్రధారులుగా రూపొందుతున్న చిత్రం 'వాంటెడ్‌ పండుగాడ'్‌ ( 'పట్టుకుంటే కోటి' ట్యాగ్‌ లైన్‌). శ్రీధర్‌ సీపాన దర్శకత్వంలో సాయిబాబ కోవెల మూడి, వెంకట్‌ కోవెల మూడి ఈ చిత్రాన్ని నిర్మిస్తున్నారు. ఆదివారం అనసూయ భరద్వాజ్‌ పుట్టినరోజు సందర్భంగా ఈ సినిమా నుంచి ఆమె ఫస్ట్‌ లుక్‌తో పాటు వీడియోను చిత్ర యూనిట్‌ విడుదల చేసింది.
ఈ సందర్బంగా నిర్మాతలు మాట్లాడుతూ, 'శ్రీధర్‌ సీపానగారి దర్శకత్వంలో హిలేరియస్‌ ఎంటర్‌టైనర్‌గా తెరకెక్కుతున్న సినిమా ఇది. అన్ని వర్గాల ప్రేక్షకులను మెప్పించేలా ఉంటుంది. ప్రముఖ రచయిత జనార్ధన మహర్షి ఈ చిత్రానికి కథ, మాటలు, స్క్రీన్‌ ప్లే అందిస్తున్నారు. మారేడుమిల్లిలో పెద్ద షెడ్యూల్‌ను పూర్తి చేశాం. తర్వాత హైదరాబాద్ పరిసర ప్రాంతాల్లో కొంత చిత్రీకరణ చేశాం. దీంతో సినిమా చిత్రీకరణ దాదాపు పూర్తయ్యింది. మూడు, నాలుగు రోజులు మాత్రమే బ్యాలెన్స్‌ ఉంది. అన్ని కార్యక్రమాలను పూర్తి చేసి త్వరలోనే సినిమా రిలీజ్‌ డేట్‌ను ఎనౌన్స్‌ చేస్తాం' అని అన్నారు. వెన్నెల కిషోర్‌, సప్తగిరి, శ్రీనివాస్‌ రెడ్డి, సుడిగాలి సుధీర్‌, దీపికా పిల్లి, బ్రహ్మానందం, రఘుబాబు, అనంత్‌, పుష్ప జగదీష్‌, నిత్యా శెట్టి, వసంతి, విష్ణు ప్రియ, హేమ, షకలక శంకర్‌, తనికెళ్ల భరణి, ఆమని, థర్టీ ఇయర్స్‌ పథ్వీ తదితరులు నటిస్తున్న ఈ చిత్రానికి సినిమాటోగ్రఫీ : మహి రెడ్డి పండుగుల, మ్యూజిక్ : పి.ఆర్‌, ఎడిటర్‌ : తమ్మిరాజు.
